ASNN – Bylis-Apolonia të shtunën, duke nisur nga ora 14:00, dhe Vllaznia-Dinamo të dielën, në të njëjtën orë, janë dy sfidat më të spikatura të javës së 12-t të Kategorisë së Parë. Të dyja këto sfida do të sillen për sportdashësit drejtpërdrejt nga Rrjeti i Radio-Televizonit Shqiptar, në kanalin RTSH Sport. Kategoria e Parë e Kampionatit Kombëtar të Futbollit luan në fundjavë ndeshjet e javës së 12-të në të dy grupet e saj dhe Rrjeti i Radio-Televizionit Shqiptar do të sjellë për sportdashësit drejtpërdrejt dy nga përballjet më të spikatura.

Kështu, në grupin B, apo grupin e Jugut, spikat përballja midis Bylisit dhe Apolonisë, e cila luhet të shtunën. Kjo ndeshje, që do të zhvillohet të shtunën, duke nisur nga ora 14:00 dhe do të sillet për sportdashësit nga transmetuesi publik në kanalin RTSH Sport, vë përballë ballshiotët kryesues të renditjes së grupit B, me 23 pikë dhe fierakët që kanë mbetur 9 pikë prapa, në vendin e 6-të. Takimet e tjera të këtij grupi, që gjithashtu luhet të shtunën pasdreke janë Besa-Tomori, Pogradeci-Oriku, Lushnja-Egnatia e Rrogozhinës dhe Elbasani-Turbina e Cërrikut.

Ndërkaq, edhe grupi A i luan të shtunën pasdreke 4 nga takimet e më konkretisht Veleçiku i Koplikut-Besëlidhja, Burreli-Erzeni, Korabi i Peshkopisë-Shënkolli dhe Iliria e Fushë-Krujës-Vora. Takimi më i spikatur i këtij grupi është ajo midis Vllaznisë dhe Dinamos, që do të luhet të dielën duke nisur nga ora 14 dhe do të sillet për sportdashësit drejtpërdrejt nga Rrjeti i Radio-Televizonit Shqiptar, në kanalin RTSH Sport. Shkodranët kryesojnë renditjen e gruipit A të shkëputur, në kuotën e 28 pikëve, 4 më tepër se Erzeni i vendit të dytë, ndërsa Dinamo mban vendin e 3-të, me 21 pikë.

Kategoria e Parë

Java e 12-të

Grupi A

Të shtunën, 8 dhjetor 2018:

Veleçiku Koplik – Besëlidhja          (14:00)

Burreli – Erzeni Shijak                     (14:00)

Korabi Peshkopi – Shënkolli          (14:00)

Iliria Fushë-Krujë – Vora                 (14:00)

Të dielën, 9 dhjetor 2018:

Dinamo – Vllaznia                            (14:00)

Drejtpërdrejt në RTSH Sport

Grupi B

Të shtunën, 8 dhjetor 2018:

Besa – Tomori                                   (14:00)

Pogradeci – Oriku                             (14:00)

Lushnja – Egnatia Rrogozhinë      (14:00)

Elbasani – Turbina Cërrik               (14:00)

Bylis – Apolonia                                (14:00)

Drejtpërdrejt në RTSH Sport