AlbanianSport.com 26.01.2015 17:15

ASNN – Butrinti miqësoren e parë të periudhës përgatitore do ta luajë vetëm të mërkurën, teksa do të ketë përballë Memaliajn e Kategorisë së Dytë.

Ndeshja do të luhet të mërkurën në ora 14:00 në stadiumin “Andon Lapa” të Sarandës, kurse të shtunën e kaluar Butrinti duhet të kishte luajtur një ndeshje në Igumenicë, ndaj Thesprotos.

Por që u anulua për shkak të kohës së keqe. Nuk duhet harruar që Butrinti më 7 shkurt ka një ndeshje të vështirë jashtë fushe, teksa do të luajë në Pogradec pa Raboshtën dhe Mustafajin.

Dy mungesa të rëndësishme për skuadrën e Mustafa Hysit, që është mundur t’i rekuperojë me ardhjen e Hepajt, Jubanit dhe Papës. Ndërkohë që tashmë është larguar dhe Dhrami drejt Sopotit.

Përfundimisht Butrinti të mërkurën do të luajë miqësoren e para ndaj Memaliajt në Sarandë.