ASNN – Sipas mediave britanike, tanimë pritet vetëm zyrtarizimi. Kjo sepse në Angli janë të sigurt se Granit Xhaka do të jetë blerja e parë e rëndësishme e Arsenalit në merkaton e verës.

Duke cituar burime pranë klubit londinez, e përditshmja e mirënjohur britanike, “Mirror” bën të ditur se tratativat për mesfushorin 23-vjeçar janë drejt fundit dhe palët kanë rënë praktikisht dakord për detajet e transferimit.

Duke qëndruar në atë që raportojnë mediat britanike, Arsenali është gati të shpenzojë afërsisht 35 milion euro për futbollistin me origjinë kosovare, që luan me Borusian e Mënshengladbahut në kampionatin gjerman.

Gjithnjë sipas medias në fjalë, Granit Xhaka kërkohet me ngulm nga trajneri Arsen Venger dhe zyrtarizimi për blerjen e futbollistit do të bëhet në ditët e para të merkatos së verës.