Në Sallën Sportive “Fahrie Hoti” në kryeqytet, ka nisur Kampionati i 25-të Kombëtar i Boksit për Të Rritur. Në një atmosferë të ndezur, ndërsa sporti i dorezave ka ofruar ashtu si gjithnjë dhe shumë tifozë, Vllaznia që në ditën e parë ka dominuar duke treguar se është pretendente serioze për titull kampion.

Por nuk mbetet më prapa dhe Tirana, e cila është mikpritëse e kampionatit të boksit për të rritur. Nga një fitore në ditën e parë ka ardhur për boksierët e Teutës, të Arenës e Apolonisë. Ndeshja më e bukur e ditës ka qenë ajo e peshës 75 kg mes Shytanit të Vllaznisë dhe Sorrës së Arenës, që shkodrani e ka fituar pastër 3-0.

Një “fair-play” mes boksierëve dhe aspak kontestime për vendimet e gjyqtarëve, të cilët në pjesën më të madhe të tyre kanë qenë të rinj. Për t’u evidentuar është fakti se kanë qenë të pranishëm presidenti i Federatës Shqiptare të Boksit, Florend Kalivopulli, dhe Sekretari i Përgjithshëm Edmond Kabashi.

Kampionati i të rriturve përfundon të dielën, por pritet një garë me shumë rivalitet.

Kampionati i 25-të Kombëtar

i Boksit për Të Rritur

Rezultatet teknike të ditës së parë:

Pesha 60 kg  Piranaj (Vllaznia) – Zajmi (Tirana)                        0-3

Pesha 60 kg  Hysa (Teuta) – Lamaj (Apolonia)              (fiton me TKO boksieri durrsak)

Pesha 60 kg  Muça (Arena) – Memaj (Flamurtari)          3-0

Pesha 69 kg  Pali (Tirana) – Kuqari (Apolonia)              0-3

Pesha 75 kg  Kajoshi (Vllaznia) – Sorra (Arena)                        3-0

Pesha 75 kg  Mërtiri (Apolonia) – Beqiri (Tirana)            (fiton Beqiri me AB nuk u paraqit kundërshtari)

Pesha 75 kg  Demiri (Elbasani) – Çullhaj (Tirana)         0-3

Pesha 75 kg  Shytani (Vllaznia) – Pasho                        (Apolonia) (fiton Shytani me AB nuk u paraqit kundërshtari)

Pesha 91 kg  K. Demaj (Vllaznia) – A. Demaj                 (Apolonia) (fiton Kristian Demaj me TKO).