Mhill Volaj dhe Perlat Llalla janë anëtarët e rinj të kryesisë së boksit shqiptar. Ka ndodhur kështu, sepse në Komitetin Ekzekutiv të Federatës Shqiptare të Boksit ka pasur dy vende vakante, të cilat kanë ardhur nga dorëheqjet e ish-presidentit të këtij organizmi, Shpëtim Çilotaj, si dhe Mirsad Uruçit, që tashmë është zëvendëspresident i Federatës Shqiptare të Boksit.

Në fakt këta ishin të votuarit e radhës në listë, ndërsa edhe pse i kishte miratuar kryesia, votimi dhe miratimi i fundit me dorë ka ardhur nga asambleja. Gjë që është vënë re edhe nga juristja si mangësi në statutin e Federatës Shqiptare të Boksit, që nuk parashikon që mund të bëhet me votim të fshehtë dhe me kandidatura të tjera të ardhura nga klubet.

Apo në një farë mënyre të shmanget Asambleja, sepse me rregull kur dorëhiqet një anëtar i kryesisë vjen ai i radhës. Sidoqoftë, Volaj dhe Llalla janë anëtarët e rinj të kryesisë së Federatës Shqiptare të Boksit.