Presidenti i Federates Shqiptare të Boksit, Florend Kalivopulli, pasi ka përcjellë vlerësime mjaft pozitive gjatë dy ditëve të para të kampionatit, të njëjtën gjë bën edhe në mbyllje të tij. “Ishte një kampionat shumë i bukur me një meritë të jashtëzakonshme të klubit “Vllaznia” për këtë organizim spektakolar të saj, pasi puna e Federatës këtu ishte zero”, – ka pohuar ai.

“Gjithçka është marrë përsipër në mënyrën më të mirë nga klubi shkodran, – ka vijuar ai. – Me një qytet të tillë, me këto tifozë, është kënaqësi të organizosh kampionate dhe të shpallesh fitues të tillë. Sapo e kam marrë në dorë drejtimin e Federatës Shqiptare të Boksit (FSHBo) dhe do të përpiqem që ta drejtoj me kompetence dhe përgjegjësinë e duhur.”

“Së afërmi kemi finalet e Kupës së Shqipërisë, të cilën akoma nuk e kemi vendosur se ku do ta zhvillojmë. Edhe një herë falënderoj Shkodrën dhe mund t’ju them se edhe unë isha jashtë mase i emocionuar të dorëzoj këtë kupë ekipit kampion “Vllaznia” në qytetin ku jam lind dhe rrit”, – ka përfunduar kreu i organizmit që qeveris “dorezat” shqiptare, Florend Kalivopulli.

Kampionati Kombëtar i Boksit për Të Rritur

Rezultatet teknike të ditës së tretë:

Pesha 49 kg  Guri (Vllaznia) – Nurja (Teuta)                  1-2

Pesha 52 kg  Ago (Vllaznia) – Vrapi (Teuta)                   0-3

Pesha 56 kg  Xhameta (Tirana) – Zeneli (Flamurtari)   0-3

Pesha 60 kg  Koliqi (Tirana) – Zajmi (Dinamo)   (fiton me KO Zajmi për tërheqje të kundërshtarit)

Pesha 64 kg  Merkohasani (Tirana) – Cenaj (Teuta)     3-0

Pesha 69 kg  Shytani (Vllaznia) – Sorra (Arena)                       (fiton me VO Sorra për mosparaqitje të kundërshtarit)

Pesha 75 kg  Çullhaj (Dinamo) – Beqiri (Tirana)                        0-3

Pesha 81 kg  Vjerdha (Dinamo) – Kajoshi (Vllaznia)    0-3

Pesha 91 kg  Ramo (Tirana) – Demaj (Vllaznia)                        0-3

Pesha +91 kg           Palica (Arena) – Hysa (Vllaznia)   0-3