ASNN – Erzen Rustemi është kampioni shqiptar i boksit, ende i pamposhtur në arenën ndërkombëtare. Ai është “kampion” i Evropës në federatën WBU. Deri tani ka zhvilluar 11 ndeshje, në ligën profesioniste, të cilat i ka fituar të gjitha. Duelin e radhës kampioni kuqezi do ta zhvillojë në muajin gusht të këtij viti.
Prej 7 vitesh, Erzen Rustemi është “kampion” në sportin e boksit. Ai konkurron në peshat e rënda në boksin profesionist. Rustemi ka zhvilluar 11 ndeshje në boksin profesionist dhe i ka fituar të gjitha, 9 prej të cilave me “nokaut”. Erzen Rustemi është “kampion” i Evropës në federatën WBU.
Me origjinë nga Gjilani i Kosovës e me banim në Zvicër, Rustemi ngjitet dhe mbron në ring, ngjyrat kuqezi të Shqipërisë. Ëndrra e tij është të zhvillojë një ndeshje në Shqipëri, përpara tifozerisë së zjarrtë kuqezi. Erzen Rustemi garon në duelet që zhvillojnë 4 federatat më të rëndësishme ndërkombëtare të boksit.
