Dita e tretë e turneut kualifikues për në Lojërat Olimpike “Rio de Zhaneiro 2016” në boks ka rezultuar pozitive për dorezat kuqezi.

Pas Arjon Kajoshit, tashmë e ka kaluar turin edhe Alban Beqiri, i cili në peshën 69 kg ka fituar me “nokaut” teknik në raundin e dytë ndaj finlandezit Muhamad Abdilrason.

Deri në ato momente, boksieri shqiptar kryesonte 10-9, të paktën sipas tre gjyqtarëve të tavolinës.

Por teksa kishin mbetur dhe 1 minutë e 26 sekonda nga përfundimi i raundit të dytë, Beqiri jep një goditje të fortë dhe e hedh në nokaut kundërshtarin, që nuk e ka vazhduar më ndeshjen.

Sot në ring Syrja Marinaj në peshën 81 kg, ndërsa deri më tani janë të eliminuar Taulant Zajmit dhe Krenar Zeneli.