Ashtu sikurse ishte paralajmëruar edhe më parë, Federata Shqiptare e “Body-building”-ut, sipas Sekretarit të Përgjithshëm, Rando Kukeli, ka zhvilluar të premten Kampionatin e saj Kombëtar. Në sallën e Universitetit të Arteve janë shfaqur si konkurrentë për të rinj, të rritur rreth 70 sportistë. Ata kanë qenë nga qytete të ndryshme të vendit tonë, por më cilësorët kanë ardhur nga Tirana, Vlora, Fieri etj.
Në këtë kampionat dominoi konkurrimi i kategorive të “fitness”-it me pjesëmarrje të jashtëzakonshme dhe nivel të lartë përgatitjeje kryesisht për djem. Gjithashtu pati pjesëmarrje dhe në dy kategoritë për femra, atë të “Fitness”-it, ku “kampione” u shpall vlonjatja Kristina Sinanaj, si dhe në atë “Fitness Bikini”, ku fituese doli koloniarja Eranda Shuaipi.
Në të tretë kategoritë konkurruese vlen të përmendet hapi i madh cilësor që kanë bërë sportistët, të cilët janë bazë për kombëtaren në veprimtaritë ndërkombëtare. “Na vjen të themi dhe me shumë dëshpërim se jemi Federatë që nuk kemi asnjë mbështetje financiare nga shteti, edhe pse sportistët tanë kanë arritur nivele të larta në veprimtaritë ndërkombëtare”, – ka thënë Kukeli.
“Dhe falë pasionit dhe vështirësisë për organizimin e garave ia kemi arritur të paraqitemi denjësisht kudo”, – ka përfunduar Sekretari i Përgjithshëm i Federatës Shqiptare të“Body-building”-ut, Rando Kukeli.

Kampionati Kombëtar i “Body-building”-ut

Rezultatet teknike:

Meshkuj Fizik (Të rinj deri 18 vjeç)
Sebastian Ibrahimi (Tiranë)

Meshkuj Fizik (Të Rinj në lartësinë 1.78 metra)
Franci Ajdinaj (Berat)

Meshkuj Fizik (Të Rinj në lartësinë +1.78 metra)
Eraldo Kerebizi (Tepelenë)

Meshkuj Fizik (Të rritur në lartësinë 1.78 metra)
Elvi Shuku (Fier)

Meshkuj Fizik (Të rritur në lartësinë +1.78 metra)
Den Merko (Fier)

Meshkuj Fizik Absolut Çempion
Den Merko (Fier)

Femra Fitness
Eranda Shuaipi (Ersekë)

Meshkuj Badillding (Të rinj pesha – 75 kg)
Arbit Nure (Fier)

Meshkuj Badibillding Të rinj Absolut Çempion
Marsel Vangjeli

Meshkuj Badibillding (Pesha +40 kg)
Abdul Fauaz (Tiranë)

Meshkuj Badibillding (Pesha +50 kg)
Nikollaq Muço (Gjirokastër)

Meshkuj Badibillding (Pesha -80 kg)
Endri Pantazi (Tiranë)

Meshkuj Badibillding (Pesha -90 kg)
Armando Marku (Tiranë)

Meshkuj Badibillding (Pesha – 100 kg)
Kreshnik Topore

Meshkuj Badibillding (Pesha + 100 kg)
Dorian Fataj (Skrapar)