ASNN – Gazeta e madhe zvicerane “Blick” ka shkruar për përballjet e Zvicrës me Serbinë në Ligën e Kombeve. Zvicra i ka fituar përballjet me Serbinë në dy Botërorët e kaluar, ndërsa Xherdan Shaqiri e Granit Xhaka ishin protagonistët kryesorë në ato ndeshje në Rusi e në Katar.

Në vjeshtë Xhaka e Shaqiri me shumë mundësi do të duhet të udhëtojnë për në Serbi për ndeshjen e Ligës së Kombeve, teksa shorti i hedhur të enjten në Paris, i ka vënë, të të disatën herë, përballë njëra-tjetrës në grupet e Ligës A. Dhe, helvetët kanë nisur menjëherë të mendojnë për skenaret.

“Nëse Granit Xhaka e Xherdan Shaqiri janë pjesë e ekipit, diskutimet politike do të shfaqen sërish, – ka shkruar Blick të enjten mbrëma. – Duke qenë dy lojtarët i kanë rrënjët në Kosovë, kjo i bënë ata armiqë në sytë e shumë serbëve. Ndeshjet e Kosovës me Serbinë ende nuk lejohen.”