Bilardo shqiptare në fundin e muajit mars do të zhvillojë veprimtarinë e parë kombëtar për këtë vit. Bëhet fjalë për kampionatin kombëtar individual në disiplinën me 9 gurë, që do të zhvillohet më 26 dhe 27 mars 2016.

Sipas drejtuesve të Federatës Shqiptare të Bilardos, apo dhe njoftimit në profilin e tyre në rrjetin social, “Facebook”, kjo veprimtari do të zhvillohet në qendrën stërvitore të Federatës Shqiptare të Bilardos, e cila ndodhet në Rrugën e Dibrës në Tiranë.