ASNN – Nën drejtimin e trajnerit Artan Mergjyshi, Besa është duke vazhduar normalisht përgatitjet për ndeshjen e javës së 3-të ndaj Mamurrasit. Duke marrë parasysh se do të përballen me një kundërshtar direkt për ngjitjen në elitë, Besa po mendon seriozisht për këtë takim, që do të jetë tepër delikate për vazhdimësinë për të besuarit e trajnerit tiranas, Artan Mërgjyshi.
Edhe pse do të jetë një sfidë e vështirë, në Kavajë kërkojnë 3 pikët duke marrë parasysh se në dy javë Besa ka grumbulluar vetëm 2 pikë. Vlen për t’u përmendur fakti se skuadra kavajase shënon gjithmonë e para, por me sa duket problemi qenka në repartin mbrojtës. Pritet që në takimin e radhës trajneri Mërgjyshi të bëjë ndryshime në formacion.
Besa dje ka fituar 2-0 në miqësoren me Gramshin, teksa kanë shënuar Lushtja dhe Senad Sallaku, ndërsa është kështu gati për ndeshjen ndaj Mamurrasit në kampionat.
