ASNN – Sporti ndërkombëtar rikthehet në Rrjetin e Radio-Televizionit Shqiptar dhe, sonte do të vijë për sportdashësit superdueli midis Realit të Madridit dhe CSKA-së së Moskës.

Kjo ndeshje, që është e vlefshme për javën e 16-të të Euroligës së basketbollit të meshkujve, nis në ora 21:00 dhe vë përballë dy fituese të mëparshme të këtij trofeu kontinental.

Madrilenët vendas vijnë në këtë ndeshje pas 10 fitoresh dhe 5 humbjesh në 15 përballjet e deritanishme, ndërsa akoma edhe më i mirë është bilanci i moskoviteve, që kanë korrur 12 fitore dhe kanë pësuar vetëm 3 humbje.

Për këtë arsye, ndeshja e sotme premton spektakël.