ASNN – Kosovarët s’kanë mundur të sigurojnë vizat bullgare për lojtarët, si dhe ka pasur probleme administrative, ndaj nuk ka shkuar në Samokovo. Ndeshja mes Rilski Sportist dhe Bashkimit të Prizrenit, e vlefshme për javën e 8-të të Ligës Ballkanike në basketboll për meshkuj, është anuluar zyrtarisht dhe nuk do të luhet. Duhet të ishte zhvilluar dje, por skuadra nga Prizreni nuk ka mundur të udhëtojë drejt Samokovit.

Bashkimi i Prizrenit, gjithnjë sipas informacionit që ka dhënë Liga Ballkanike në faqen e saj në internet, nuk është nisur për në Bullgari, sepse nuk ka qenë në gjendje të formojë një skuadër të plotë me 10 lojtarë, që minimumi i mundshëm dhe i kërkuar për një ndeshje të tillë. Klubi kosovar ka pasur probleme për marrjen e vizave bullgare për disa prej lojtarëve dhe ka pasur probleme administrative që e kanë penguar për t’u paraqitur për këtë ndeshje.

Më 2014-ën ka pasur një rast të njëjtë në këtë veprimtari dhe gjithçka ka ndodhur me Pejën, e cila nuk ka mundur të udhëtojë drejt Izraelit për t’u ndeshur me Galil Gilboa. Vendimi i marrë nga Liga Ballkanike është me idenë që të mbajë interesa të njëjta për të gjitha klubet, shpirtin e lojës së basketbollit dhe duke bërë të ditur se nuk mund të ketë një tjetër për ta zhvilluar këtë ndeshje ka marrë këtë vendim:

“Rilski Sportist i jepet fitorja në tavolinë 20-0, si dhe dy pikë në renditje. Skuadrës udhëtuese Bashkimi i Prizrenit i jepet humbja 0-20 në tavolinë dhe i shtohet një pikë në renditje”. Ndeshja e ardhshme e Bashkimit të Prizrenit do të jetë më 17 janar 2018 ndaj maqedonasve të Blokotenas.

“Sigal Uniqa” Liga Ballkanike

e Basketbollit – Meshkuj

Sezoni 2017-2018

Java e 8-të

(17 dhjetor 2017 – 25 janar 2018)

Rilski Sportist – Bashkim Prizren              20-0 (tavolinë)

Tirana – Blokotena                                      sot, ora 18:30

Akademik Bulteks 99 – Ibar Rozhaje       më 25 janar

Levski Sofje – pushim

Renditja

Nr.       Skuadra                     N.        F.         H.        Psh-Pp           Pikë

1. Rilski Sportist            7          6          1          532-439         13
2. Blokotena                  6          5          1          557-458         11
3. Levski 2014               6          3          3          468-452           9
4. Akademik Bulteks    6          2          4          493-479           8
5. Bashkimi                   6          2          4          366-434           8
6. Tirana                         6          2          4          471-541           8
7. Ibar Rozhaje             5          1          4          393-477           6