Me humbjen e mbrëmshme ndaj Beroe Stara-Zagorës, SIGAL Prishtina duket se ka dalë jashtë lojës për t’u kualifikuar për në turin e dytë të Ligës Ballkanike, ndonëse ka dhe 3 ndeshje për të luajtur.

Në këtë ndeshje, të zhvilluar në Pallatin e Sportit dhe Rinisë në Prishtinë, ka qenë edhe ndërkombëtari Ervin Koçi, i cili ka gjykuar kështu takimin e tij të 7-të në Ligën Ballkanike.

Ai ka qenë gjyqtar i 3-të, ndërsa kryesor ishte malazezi Vladan Sundiç dhe i dytë malazezi Milosav Kaludjeroviç, kurse vëzhgues kosovari Lulzim Maloku. Deri më tani Koçi ka arbitruar dy herë malazezët e Sutjeskës së Nikshiçit.

Por edhe dy herë maqedonasit e MKK Fenit Industries, një herë Karposh Sokolin 2000, një herë Trepçën e Mitrovicës, 3 herë malazezët e Teodos, dy herë SIGAL Prishtinën dhe një herë Kozuvin, Kumanovën dhe Beroe Stara-Zagorën.

Kështu, bëhen 7 ndeshje në Ligën Ballkanike të Basketbollit për Meshkuj për gjyqtarin ndërkombëtar, Ervin Koçin, kurse SIGAL Prishtina zvogëlon shanset për të qenë në turin e dytë të kësaj veprimtarie, edhe pse është fituese në fuqi.

Liga Ballkanike – BIBL 2016-2017

Basketbolli – Meshkuj

Grupi A

Java e 6-të

(10 janar 2017)

SIGAL Prishtina – Beroe Stara-Zagora    86-94

Renditja

Nr.       Skuadra                     N.        F.         H.        Psh-Pp           Pikë

1. Kumanovo                8          6          2          662-622         14
2. Beroe Stara-Zagora 8          5          3          655-657         13
3. Teodo                         8          4          4          661-631         12
4. Bashkimi Prizren     8          4          4          616-625         12
5. Kozhuv                      7          2          5          547-554           9

6.       SIGAL                        7          2          5          544-598           9