ASNN – Kamza Basket duket se ia ka marrë dorën Vllaznisë në Shkodër, sepse, pasi e ka eliminuar nga Kupa e Shqipërisë, të njëjtën gjë ka bërë dhe në kampionat. Djemtë e drejtuar nga trajneri Adem Muhametaj diktojnë në fushën e lojës duke marrë një tjetër fitore me vlerë.
Nëse në ndeshjen e mëparshme humbja e largoi Vllazninë nga vazhdimi i garës në kupë, këtë radhë fitorja e kamzalinjve trondit seriozisht pozitat e shkodranëve në kampionat. Madje vë në pikëpyetje qenien e kësaj skuadre në “play-off”-in për titullin “kampion”.
Kamza Basket e ka fituar pjesën e parë 11-17. Në dhjetë minutat e dyta Vllaznia luan më mirë dhe, duke fituar 24-22, ka ngushtuar në 35-39. Por është 13-19 për Kamza Basket pjesa e tretë dhe, në total, miqtë janë në kryesim 48-58. E barabartë është pjesa e katërt 13-13 që vulos suksesin e Kamza Basket, 61-71.
Janë dalluar tek Kamza Basket, Eni Llazani, Beqo dhe Vaqarri me 3-pikëshat e tyre, të cilët vendosin fatin e ndeshjes në favor të Kamza Basket.
Vllaznia – Kamza Basket 61-71
(11-17, 24-22, 13-19, 13-13)
Vllaznia: Bërdica, Ndoja, Bekteshi, Da. Lekndreaj, Do. Lekndreaj, Faslija, Shabani, Arra, Rakaj, Shaqiri, Bitri. Trajner: B. Gjeçaj
Kamza Basket: Llazani, Hamati, Beqo, Vaqarri, Koko, E. Muhametaj, Kollovi, Shytaj, G. Muhametaj, Birçaj, Koçishta. Trajner: A. Muhametaj
Gjyqtarë: E. Koçi, E. Allaraj, A. Bejko (Tiranë)
Kampionati Kombëtar
i Basketbollit – Meshkuj
Superliga
Java e 14-të
(10 mars 2018)
Partizani – Barleti-Eagles 20-0 (në tavolinë)
Teuta – Tirana 77-79
Vllaznia – Kamza Basket 61-71
Renditja
Nr. Skuadra N. F. H. Psh-Pp Pikë
- Tirana 14 13 1 1247-907 26
- Teuta 14 9 5 1163-1020 23
- Partizani 14 9 5 958-868 23
- Vllaznia 14 6 8 1100-1044 20
- Kamza Basket 14 5 9 1085-1097 19
- Barleti-Eagles 14 0 14 785-1400 13
