ASNN – Vllaznia-Tirana, është çifti më interesant i kësaj fundjave në Superligën e Kampionatit Kombëtar të Basketbollit për Meshkuj. Një ndeshje e cila po pritet me shumë interes, pasi përballë njëri tjetrit janë ekipi i Tiranës, kryesues i renditjes, dhe ai i Vllaznisë, që pas fitores së javës së kaluar ndaj Teutes është ngjitur në vend të dytë.

Kuqeblutë, tanimë nën drejtimin e trajnerit kroat, Jeronimo Sarin, janë edhe kampionë në fuqi, ndërsa bardheblutë, të drejtuar nga trajneri Nikola Milatoviç, janë fitues të saposhpallur të Kupës së Shqipërisë. Vllaznia ka bërë disa përforcime gjatë kësaj faze të dytë.

Ndaj pritet që sfida me Tiranën, e cila është edhe kryendeshja e kësaj të dhurojë spektakël. Ndeshja, që do të luhet sot në mbrëmje, duke nisur nga ora 18:00, në Pallatin e Sportit “Qazim Dervishi” të Shkodrës, do të transmetohet drejtpërdrejt nga Rrjeti i Radio-Televizionit Shqiptar, në kanalin RTSH Sport.

Kampionati Kombëtar

i Basketbollit – Meshkuj

Superliga

Java e 16-të

(10-11 mars 2017)

Të premten:

Ardhmëria Basket – Flamurtari      107-42

Kamza Basket – Teuta                      59-72

Të shtunën:

Vllaznia – Tirana                              ora 18:00

Renditja

Nr.       Skuadra                     N.        F.         H.        Psh-Pp           Pikë

1. Tirana                         15        14          1        1448-971       29
2. Teuta                          16        11          5        1235-1087     27
3. Vllaznia                     15        10          5        1186-988       25
4. Kamza Basket          16          7          9        1185-1281     23
5. Ardhmëria Basket    16          5        11        1095-1066     20
6. Flamurtari                  16          0        16          773-1530     16