ASNN – Është luajtur sot ndeshja e fundit e javës së 7-të të Superligës së Kampionatit Kombëtar të Basketbollit për meshkuj dhe, përkundër pritshmërive, që kishin shpresuar për një reagim të Vllaznisë, edhe pse përballë ishte Teuta. Dhe, ndonëse me një trajner të ri si kroati Neven Plantak dhe 3 amerikanë të sapoardhur në Shkodër, Vllaznia ka dëshmuar se ka ende shumë për të bërë, pasi Teuta e ka mposhtur bindshëm, 78-56, duke e lënë të fundit në renditje, me 7 pikë të marra në 7 ndeshje dhe në rrezik real për rënien nga niveli më i lartë i koshit shqiptar të meshkujve.

Me pak fjalë, ddhe “Vllaznia e re” nuk fiton, pasi Teuta i jep leksion në Shkodër. Një fitore e lehtë dhe e merituar e skuadrës durrsake, që ngjitet në vendin e dytë, me pikë të barabarta me Goga Basket, ndërsa Vllaznia vijon të mbyllë tabelën e renditjes, pa asnjë fitore këtë sezon. Ndonëse pritej një sfidë më e fortë, duket se ende shkodranët nuk janë kthyer në një ekip të kolauduar dhe kjo u pa qartë në fushë, ku, pas një pjese të parë të barazpeshuar, loja merr një tjetër rrjedhë, tërësisht e kontrolluar nga skuadra mike.

Gjysma e parë e takimit mbyllet 36-29 në favor të Teutës, që nuk e ul ritmin as në gjysmën e dytë, madje e thellon gjithnjë e më tepër epërsinë, duke qenë më e saktë në veprimet e saj sulmuese e mbrojtëse dhe fitoi me meritë. Vllaznia ishte shpesh në vështirësi, duke gabuar në një përqindje të madhe në të gjitha llojet e goditjeve dhe nuk arriti të rivalizojë, duke humbur terren edhe pse mbështetja e tifozëve të shumtë në Pallatin e Sportit nuk mungoi. Në fund, Teuta arriti një fitore të rëndësishme për renditje, duke qëndruar pas Partizanit kryesues.

Kampionati Kombëtar

i Basketbollit – Meshkuj

Java e 7-të:

Superliga

E premte, 23 nëntor 2018:

Partizani – Kamza Basket   85-66

Pallati i Sportit “Asllan Rusi”, Tiranë

Tirana – Goga Basket          87-83

Salla Sportive “Fahrie Hoti”, Tiranë

E shtunë, 24 nëntor 2018:

Vllaznia – Teuta                    56-78

Pallati i Sportit “Qazim Dervishi”, Shkodër

Renditja

Nr.       Skuadra                     N.        F.         H.        Psh-Pp           +/-        Pikë

1. Partizani                    7          6          1          588-489            99     13
2. Goga Basket             7          5          2          616-469         147    12
3. Teuta                          7          5          2          667-562         105    12
4. Tirana                         7          3          4          552-594           -42    10
5. Kamza Basket          7          2          5          510-611         -101      9
6. Vllaznia                     7          0          7          473-681         -208      7