Vllaznia është kualifikuar me lehtësi për në finalen e titullit “kampion” në basketboll për meshkuj, ndërsa është kthyer në një “mace e zezë” për Tiranën. Shkodranët e trajnerit Bledar Gjeçaj, të mbështetur fort në organizimin e amerikanit Alen, por dhe në lojën e mirë të Arrës e Faslisë, Gjonajt e Bërdicës, Bekteshit e Ndojës, madje dhe Xhokoviç, Taraboshit, Daniel Lekndreajt apo dhe të tjerëve ia kanë arritur t’ia dalin ta fitojnë edhe ndeshjen e dytë, 80-68 dhe gjithë duelin me rezultatin 2-0.

21-23 perioda e parë për shkodranët. Më pas 16-21 perioda e dytë dhe në pushim 37-44 për Vllazninë. Kuqeblutë shpërthejnë me trepikëshat e Arrës dhe të Gjonajt e Bekteshit, ndaj dhe kanë fituar pjesën e tretë 15-21 dhe, duke kryesuar 52-65, e kanë të sigurt fitoren. Pjesa e katërt e fituar nga Tirana, 16-15, nuk ka shërbyer për asgjë, sepse Vllaznia tashmë është në finalen e titullit “kampion” dhe ka nisur festën në Sallën Sportive “Fahrie Hoti” në kryeqytet, duke shpresuar se do të jetë përsëri me trofe në basketbollin e meshkujve.

Tirana – Vllaznia                   68-80  (0-2)

(21-23, 16-21, 15-21, 16-15)

Kampionati Kombëtar

i Basketbollit – Meshkuj

Kalendari i “play-off”-it

për titull “kampion”

Superliga

Gjysmëfinalet:

11 maj 2016:

Kamza Basket – Teuta         74-80  (0-1)

(12-19, 21-21, 15-23, 26-16)

Salla Sportive, Bathore

Vllaznia – Tirana                   81-63  (1-0)

(21-13, 16-17, 20-15, 25-18)

Pallati i Sportit “Qazim Dervishi”, Shkodër

14 maj 2016:

Teuta – Kamza Basket        68-62  (2-0)

(16-22, 20-15, 22-11, 10-14)

Pallati i Sportit “Ramazan Njala”, Durrës

Tirana – Vllaznia                  68-80  (0-2)

(21-23, 16-21, 15-21, 16-15)

Salla Sportive “Fahrie Hoti”, Tiranë