Vllaznia në basketboll për meshkuj i ka kthyer “reston” Kamza Basketit, ndërsa dje në mbrëmje, drejtuar nga kroati Jeronimo Sarin, ka fituar në sallën sportive të Bathores, me 42 pikë diferencë, 58-100.

Që në dy pjesët e para, Vllaznia është dukur që e dominonte këtë takim, ndërsa ka kryesuar në pushimin e madh me shifrat 23-52. Ka ndodhur kështu, sepse ka fituar të parën 9-26 dhe të dytën 14-26.

Edhe pse në pjesën e tretë ka një përpjekje te Kamza Basket për të përmirësuar lojën, sërish fiton Vllaznia, 20-22 dhe 43-74 për shkodranët. 15-26 e fundit, e cila do të vuloste rezultatin përfundimtar 58-100 për veriorët kuqeblu.

Shënuesi më i mirë i ndeshjes ishte amerikani i Vllaznisë, Palmer, me 21 pikë, i ndjekur nga bashkëatdhetari i Frilav, po i shkodranëve, me 17 pikë. Për Kamza Basket, si gjithnjë, shënuesi më i mirë ishte Vaqarri, me 13 pikë.

Kamza Basket – Vllaznia                58-100

(9-26, 14-26, 20-22, 15-26)

Kampionati Kombëtar

i Basketbollit – Meshkuj

Superliga

Java e 14-të

(24-25 shkurt 2017)

Të premten:

Ardhmëria Basket – Tirana            70-111

Kamza Basket – Vllaznia   58-100

Të shtunën:

Teuta – Flamurtari               ora 19:00

Renditja

Nr.       Skuadra                     N.        F.         H.        Psh-Pp           Pikë

1. Tirana                         14        13          1        1348-923       27
2. Vllaznia                     14          9          5        1109-935       23
3. Teuta                          13          9          4        1003-906       22
4. Kamza Basket          14          7          7        1066-1137     21
5. Ardhmëria Basket    14          3        11          916-964       17
6. Flamurtari                  13          0        13          638-1216     13