ASNN – Vllaznia-Tirana ishte ndeshja e fundit që basketbollistët shkodranë zhvillojnë në Pallatin e Sportit “Qazim Dervishi”, në prag të fazës finale për titull “kampion”. Në fakt, kjo që u zhvillua mbrëmë në qytetin verior ishte e parafundit në kalendar, sepse përmbyllja i takon të jetë javën e ardhshme në vizitën vlonjate, përballë Flamurtarit vendas.

Një ndeshje, e cila përpos asaj që i shërben kuqebluve për stërvitje kolauduese nuk përbën asnjë emocion në planin e garës pasi vendasit janë të dytët në renditje dhe verdiktet e çifteve ballafaquese të “play-off”-it final, ndërsa në gjysmëfinale do të jenë përballë përsëri Vllaznia-Tirana.  Epërsia e miqve, të cilët dominuan dukshëm në fushën e lojës për dy pjesët e para, e ka bërë me “dhimbje koke” trajnerin Gjeçaj dhe kolegët e tij të stafit teknik, përfshirë edhe inspektorin e lojërave me dorë në klubin kuqeblu Astrit Zaganjori.

Duke shkuar me 12 pikë diference në epërsi në pushimin mes dy gjysmave të lojës (15-21 pjesa e parë dhe 13-19 e dyta) ka befasuar të gjithë sa ishin të pranishëm në pallatin e sportit. Megjithatë, pas pushimit, Vllaznia reagon. Me amerikanin Alen dhe malazezin Xhokoviç, dy më të mirët pikëshënues të kuqebluve, përkatësisht me 26 pikë dhe me 15, por edhe Faslinë me 12 pikë, Vllaznia pasi arrin të shkurtojë diferencën nga 12 në 2 pikë në pjesën e tretë, të cilën e fitojnë 22-12.

Dhe me fitoren e pjesës së katërt 21-14, Vllaznia arrin të përmbysë gjithçka në favor të saj dhe fiton me shifrat përfundimtare 71-66.

Vllaznia – Tirana   71-66

(15-21, 13-19, 22-12, 21-14)

VLLAZNIA: Berdica, Faslia, Gjonaj, Alen, Rrashketa/Xhokoviç, Arra Bekteshi, Taraboshi, Huti, Da.Lekndreaj, Tinaj, Do.Lekndreaj Trajner: B.Gjeçaj

TIRANA: Lasku, Vogli, Hysa, Gjyzeli, Hasani/Vaqarri, Sukaj, Coco, Huqi, Mara, Lilaj Trajner: R.Avrami

Gjyqtarë:  E.Hoxhaj (Vlorë), O.Kasmi, A.Bejko (Tiranë)

Kampionati Kombëtar

i Basketbollit – Meshkuj

Superliga

Java e 19-të

(22-23 prill 2016)

Të premten:

Partizani – Teuta                              64-90

Të shtunën:

Flamurtari – Kamza Basket            50-72

Vllaznia – Tirana                              71-66

Renditja

Nr.       Skuadra                     N.        F.         H.        Psh-Pp          Pikë

1. Kamza Basket          19        17          2        1378-1126     36
2. Vllaznia                     19        15          4        1374-1187     34
3. Tirana                         19        12          7        1467-1244     31
4. Teuta                          19          9        10        1414-1349     28
5. Flamurtari                  19          3        16        1055-1535     22
6. Partizani                    19          1        18        1165-1402     20