“Fanatiksat” bardheblu, të cilët, sipas klubit, janë provokuar nga basketbollisti i Vllaznisë, Algert Gjonaj, në fundin e lojës, janë kapur me ish-basketbollistin e tyre. Versioni i shkodranëve: “Lojtari shkoi të takonte të vëllanë”.
Ndërhyrja energjike e drejtuesve të Tiranës shmang katrahurën. Përtej kësaj, gjithçka që ka ndodhur dje më së shumti duket se ka qenë në dëm të Tiranës së Roland Avramit, e cila karikuar së tepërmi e ka pasur të vështirë të dalë në lojën e saj më të mirë.
Vllaznia është shkëputur që në fillim në 0-8 dhe më pas pjesën e parë e ka mbyllur 12-14. Tirana e fiton pjesën e dytë 16-12 dhe në pushim është në epërsi 28-26. Por vetëm kaq, sepse kuqeblutë pasi kanë fituar dy pjesët e tjera.
10-19 është e treta dhe 12-17 e katërta për kuqeblutë e koshit, që e kanë mbyllur ndeshjen 50-62. Duke ikur nga Tirana me një fitore me vlera. Veçse sherri i tifozëve me Gjonajn lë një njollë të madhe për bardheblutë…
Tirana – Vllaznia 50-62
(12-14, 16-12, 10- 19, 12-17)
Tirana: Vogli (16), Sukaj (15), Lasku (9), Hasani (6), Hysa (2) / Gjyzeli (2), Vaqarri, Lilaj, Mara. Trajner: R. Avrami
Vllaznia: Rrashketa (2), Bërdica (10), Arra (11), Faslija (7), Gjonaj (15) / Alen (8), Taraboshi, Xhokoviç (7), Huti. Trajner: B. Gjeçaj
Gjyqtarë: G. Cici, G. Hoxha (Tiranë), E. Hoxhaj (Vlorë)
Kampionati Kombëtar
i Basketbollit – Meshkuj
Superliga
Java e 14-të
(18-19 mars 2016)
Të premten:
Kamza Basket – Flamurtari 72-41
Të shtunën:
Tirana – Vllaznia 50-62
Të dielën:
Teuta – Partizani ora 16:00
Renditja
Nr. Skuadra N. F. H. Psh-Pp Pikë
- Kamza Basket 14 12 2 1028-822 26
- Vllaznia 14 11 3 979-858 25
- Tirana 14 10 4 1047-914 24
- Teuta 13 5 8 946-925 18
- Flamurtari 14 3 11 866-1108 17
6. Partizani 13 0 13 752-890 13
