Tirana me fitoren e djeshme në Mitrovicë ka regjistruar suksesin e parë në fushë të huaj në Ligën Ballkanike, quajtur ndryshe “Liga Ballkanike SIGAL Uniqa”. Loja mes Tiranës dhe Trepçës ka qenë shumë intensive dhe interesante, sepse të dy skuadrat kanë luajtur fort nga fillimi deri në fund. Ndeshja është vendosur në dy minutat e fundit, atëherë kur bardheblutë kanë shënuar aq sa për të fituar ndeshjen, ndërsa vendësit nuk kanë qenë mirë në aspektin sulmues.
Në pjesën e parë, Tirana është në epërsi, por Trepça shumë shpejt ka arritur të barazojë në 15-15. Në pjesën e dytë, me një epërsi të pjesshme 7-0, bardheblutë kanë thelluar epërsinë, por mitrovicasit kanë arritur të ngushtojnë deri në dy pikë diferencë. Por Tirana i ka futur dhe një “sulm” tjetër, 13-0 një epërsi e pjesshme duke u shkëputur deri në 9 pikë. E në fund të pjesës së dytë, pra të gjysmës së parë, është në një epërsi prej 6 pikësh, 39-33.
Në pjesën e tretë Tirana ka luajtur shumë mirë, ndërsa epërsia dhe fitorja e bardhebluve asnjëherë nuk është vënë në dyshim. Pas 30 minutash, Tirana ka qenë në epërsi prej 10 pikësh, 47-57. Një epërsi e pjesshme e Trepçës 7-0 e ka ngushtuar kryesimin e Tiranës në vetëm 3 pikë, por bardheblutë nuk janë dorëzuar. Dhe me një tjetër epërsi 7-0, vendësit janë përpara me një pikë. Shënon një 3-pikësh Skoti, por kundërpërgjigjet Rame.
Dhe vetëm një minutë e 33 sekonda nga fundi i lojës Xhonson e ka çuar Tiranën në pesë pikë përpara. Uajs ka humbur gjuajtjet e lira. Rame ka marrë faull, ka shënuar në të parën dhe ka gabuar në të dytën. Por më pas është ai që vulos suksesin e Tiranës, 74-68 dhe një fitore e madhe e bardhebluve në Mitrovicë. Që tashmë janë realisht me një këmbë në turin e dytë, apo turin çerekfinal të Ligës Ballkanike të Basketbollit për Meshkuj.
Trepça – Tirana 68-74
(15-15, 18-24, 14-18, 21-17)
Trepça: Haxhiu (2), Diminiç (4), Frederik (16), Uais (7), Ljujiç (3) / Azemi (5), Selmani (3), A.Zekiqi (9), Skot (19). Trajner: D. Papadopulos
Tirana: Rame (6), Karaj (17), Hysenagolli (17), Xhonson (21), Shima (7) / Lasku (6), Gjyzeli. Trajner: N. Milatoviç
Gjyqtarë: M. Ciulin, F. Grigoras (Rumani), H. Bijediç (Bosnjë-Hercegovinë)
