Edhe në javën e parë të Superligës së Kampionatit Kombëtar në Basketboll për Meshkuj, Tirana ka mbajtur hapin e Ligës Ballkanike. Pasi ka fituar në fillimin e kësaj jave ndaj Trepçës së Mitrovicës, me shifrat 78-66, me të njëjtin ritëm ka qenë edhe përballë Vllaznisë.

Në një Sallë Sportive të tejmbushur si “Fahrie Hoti”, Tirana nuk e ka pasur aspak të vështirë për të mundur Vllazninë, e cila është kampione në fuqi e basketbollit të meshkujve. 19-15 e para, 21-16 e dyta dhe në pushim skuadra e drejtuar nga maqedonasi Sllobodan Petrovski ka kryesuar 40-31.

E barabartë pjesa e tretë, ndërsa Tirana vijon të kryesojë 59-50. Dhe diferencat kanë ardhur në pjesën e katërt, atëherë kur Tirana ka fituar 23-16 dhe në përfundim 82-16. Vogli, me 18 pikë, dhe Xhonsoni, me 15 pikë, kurse tek Vllaznia, Gjon Ndoja ka shënuar 20 pikë, Bërdica 15 pikë, Shabani 11 pikë.

Në përfundim Tirana e ka merituar suksesin e parë në kampionat, që shpresohet se do të jetë një nxitje për ndeshjen e dytë të Ligës Ballkanike të mërkurën ndaj MKK Feni Industries.

Tirana – Vllaznia                  82-65

(19-15, 21-16, 19-19, 23-16)

Kampionati Kombëtar

i Basketbollit – Meshkuj

Superliga

Java e parë:

(14 tetor 2016)

Të premten:

Ardhmëria Basket – Flamurtari      75-31

Tirana – Vllaznia                              82-65

Teuta – Kamza Basket                    88-65

Renditja

Nr.       Skuadra                     N.        F.         H.        Psh-Pp           Pikë

1. Ardhmëria Basket    1          1          0          75-31              2
2. Teuta                          1          1          0          88-65              2
3. Tirana                         1          1          0          82-65              2
4. Vllaznia                     1          0          1          65-82              1
5. Kamza Basket          1          0          1          65-88              1
6.        Flamurtari                  1          0          1          31-78              1