Pesë minuta furtunë dhe Tirana e basketbollit të meshkujve është “mbytur” në Nikshiq të Malit të Zi në ndeshjen e 5-të të Ligës Ballkanike. Malazezët e Sutjeskas e kanë nisur me një 3-pikësh, por që shpejt ka përmbysur Hysenagolli me dy dypikësha. Dhe një herë tjetër në epërsi vendësit e menjëherë është kundërpërgjigjur Karaj dhe 6-7. Luhet si “macja me miun”, del në epërsi Sutjeska e kundërpërgjigjet Tirana.

Lasku, Hysenagolli, Gavraniç e Rame e në fund të pjesës së parë, epërsinë më të madhe e ka pasur 14-17, Tirana është në fitore 23-21. E ka ruajtur këtë epërsi deri në 30-32 falë koshave të Hysenagollit e Rames. Por këtu fiket Tirana e Sutjeska kujtohet se duhet të luajë për të fituar. Me një epërsi të pjesshme 17-0, ka përmbysur nga 30-32 në 47-32, aq sa i ka mjaftuar për të administruar suksesin.

Gjyzeli e Hysenagolli e në pushim Sutjeska kryesonte 50-37. Mirëpo Tirana nuk është dorëzuar, sepse Lasku, Hysenagolli, Gjyzeli kanë bërë një shkurtim rezultati deri në 60-53. E kjo epërsi është ruajtur deri në 63-55. E atëherë kur pritej që Tirana të vijonte me sulmet e saj, malazezët, duke pasur dhe një ish-lojtar të Vllaznisë si Nikola Xhokoviç, me një tjetër epërsi të pjesshme 7-0, thellojnë në 70-55.

Hysenagolli e Xhonson dhe në fund një fitore me 15 pikë për Sutjeskën, 77-61, që e ka mbytur Tiranën për 5 minuta në pjesën e dytë.

Sutjeska Nikshiq – Tirana   77-61

(21-23, 29-14, 10-16, 17-8)

Sutjeska: Xhejms (4), Xhokoviç (9), Peroviç (14), Tomas (3), Saliç (21) / Laliç (3), Gajoviç (23), Vujoviç, Boskoviç. Trajner: M. Kovaç

Tirana: Rame (8), Karaj (5), Lasku (10), Hysenagolli (20), Xhonson (4) / Vogli, L. Petrovski, Gjyzeli (10), Gavraniç (4). Trajner: S. Petrovski

Gjyqtarë: D. Kralj, E. Karoviç, M. Kavara (Bosnje-Hercegovinë)

Liga Ballkanike e Basketbollit – Meshkuj

Faza e grupeve:

Grupi B

Java e 3-të

(24-25 tetor 2016)

Të hënën:

Sutjeska Nikshiq – Tirana                          77-61

Të martën:

MKK Feni Industriers – Trepça                  ora 19:00

29 nëntor 2016:

Peja – Karpos Sokoli 2000

Renditja

Nr.       Skuadra         N.        F.         H.        Psh-Pp           Pikë

1. Sutjeska         2          2          0          171-121         4
2. Tirana             3          1          2          196-241         4
3. MKK Feni      2          1          1          171-139         3
4. Trepça            2          1          1          148-158         3
5. Peja                1          1          0            82-73            2
6. Karpos           2          0          2          140-176         2