Bardheblutë munden nga maqedonasit e Karposh Sokolit në “Fahrie Hoti” me 17 pikë diferencë dhe kalimi në turin e dytë mbeti objektiv në letër. Në fakt në pamje të parë Karposh Sokoli është dukur si një skuadër lagjeje, me fanella që më shumë ishin me arna e manikota, sesa të denja për një veprimtari ndërkombëtare. E për kur disa minuta kanë humbur disa sulme radhazi, atëherë u krijua përshtypja se Tirana do ta ketë të lehtë.

Bardheblutë e kanë fituar pjesën e parë 20-18, ndërsa Karaj është i saktë në 3 gjuajtje për tre pikë. Por pjesa e dytë është tjetër gjë. Zekoviç është i papërmbajtshëm, po kështu dhe pjesa tjetër e skuadrës së trajnerit Nikoliç, të cilët arrijnë që në fund të pjesës së dytë të jenë në një epërsi prej dy pikësh, 46-48, pasi kanë fituar 26-30. Tirana hutohet dhe Karposh Sokoli në pjesën e tretë e vë në udhë të mbarë suksesin. Fiton 12-26 dhe thellon në 58-74.

Pikë më pikë luhet 10-minutëshi i fundit, por 25-26 për Karposh Sokolin, që kështu ka arritur të thellojë në 83-100 dhe këtu vuloset fitorja e katërt e maqedonasve, të cilët luajnë njëkohësisht dhe Ligën e Adriatikut, teksa vetëm të dielën kishin fituar ndaj Cibonës së Zagrebit. Dhe kur kanë dalë me 5 gabime personale Erkand Karaji e Manuel Xhonsoni, atëherë të gjithë janë dorëzuar e në heshtje kanë pranuar këtë humbje, e cila është e treta radhazi dhe e 6-ta gjithsej në Ligën Ballkanike.

Tirana – Karposh Sokoli      83-100

(20-18, 26-30, 12-26, 25-26)

Tirana: Hysenagolli (14), Shima (9), Xhonson (10), Rame (19), Shestani / Karaj (14), Lasku (9), Strazimiri (3), Gjyzeli, Hysa (3), Vogli, Hasani (2). Trajner: N. Milatoviç

Karposh Sokoli: Sepa (22), Mavra (10), Trajkovski (12), Vrkiç (9), Knezeviç (4) / Zekoviç (25), Penov (6), Sokolov (10), Sapundjev, Bakoç. Trajner: D. Nikoliç

Gjyqtarë: O. Jokiç, V. Sundiç, M. Kaludjeroviç (Mali i Zi)

Liga Ballkanike – BIBL 2016-2017

Basketboll – Meshkuj

Grupi B

Java e 9-të

(17-18 janar 2017)

Të martën:

Tirana – Karposh Sokoli 2000                   83-100

Të mërkurën:

MKK Feni Industries – Sutjeska                ora 19:00

Të enjten:

Peja – Trepça Mitrovicë                               ora 19:30

Renditja

Nr.       Skuadra                                 N.        F.         H.        Psh-Pp           Pikë

1. Peja                                        8          5          3          590-526         13
2. Sutjeska Nikshiq                  8          5          3          628-566         13
3. MKK Feni Industries           8          5          3          606-563         13
4. Karposh Sokoli                     9          4          5          700-747         13
5. Tirana                                     9          3          6          623-711         12
6. Trepça Mitrovicë                   8          3          5          484-527         11