Ashtu sikurse është lajmëruar dhe ditë më parë, Tirana Eagles Basket, shkurt, Eagles, të dielën në ora 14:00 do të zhvillojë një miqësore në Skënderaj të Kosovës.
Do të jetë përballë Sferës vendëse në përballjen e parë të saj skuadre jashtë kufijve të vendit tonë.
Dhe për të rritur prestigjin e kësaj ndeshje, apo dhe miqësinë me kosovarët, presidenti i Tirana Eagles Basket ka vendosur të vërë një kupë për fituesin e këtij takimi.
Me motivacionin: “Në ndeshjen Sfera-Eagles do të jepet edhe një kupë simbolike për fituesin e këtij takimi mes vëllezërve të një gjaku”.
E sezoni i ardhshëm, ndërsa pritet të ketë edhe një trajner të ri, duket se do ta gjejë më të fortë Eagles, pse jo pretendente për t’u ngjitur në Superligën e basketbollit shqiptar.
