ASNN – Teuta shkëlqen në Prizren përballë Bashkimit, merr kreun e Ligës Ballkanike. Për herë të parë ndër vite, një skuadër basketbolli shqiptar po arrin të rivalizojë si duhet në një aktivitet të rëndësishëm rajonal sikurse është Liga Ballkanike (BIBL). Në kuadër të kësaj veprimtarie, Teuta e Durrësit po bën paraqitje mjaft të mira dhe të mërkurën në mbrëmje ia doli të korrë një tjetër fitore, një sukses që e ngjiti përkohësisht në vend të parë, me 15 pikë.

Duke qenë kështu fare pranë sigurimit matematik të objektivit madhor për të qenë në 4-she, një pozicion që siguron fazën “play-off”. Të mërkurën në mbrëmje, Teuta mundi në Prizren, në Sallën Sportive “Shezai Surroi”, ekipin e basketbollit Bashkimi, me rezultatin 101-83. Loja nisi e balancuar dhe rezultati ishte i tillë gjatë gjithë 10-minutëshit të parë, i cili u fita nga durrsakët me shifrat 26-25. Por diferenca në favor të “Djemve të Detit” do të vinte në 10-minutëshin e dytë.

Aty ku Teuta regjistron shifrat 28-21 në favor të saj. Gjysma e ndeshjes përfundon 46-54 në favor të ekipit durrsak, një diferencë e ndjeshme që i dha impuls ekipit bregdetar për ta fituar ndeshjen. 10-minutëshi i tretë ishte më i mirë për Bashkimin, i cili e fitoi atë me shifrat 23-21 dhe duke e rihapur ndeshjen sepse diferenca zbriti në 6 pikë. Por në 10-minutëshin e katërt dhe të fundit Teuta shkëlqen në parket, duke sulmuar fort dhe mbrojtur me kujdes.

Duke e fituar kështu këtë pjesë me shifrat 26-14 dhe krejt ndeshjen 101-83. Me dypikëshin e marrë, Teuta ngjitet përkohësisht në krye të Ligës Ballkanike, me 15 pikë, duke zbritur në vend të dytë Akademik Bulteksin e Bullgarisë me 13 pikë, por duhet thënë se ekipe si Beroe dhe Blokotehna nuk i kanë zhvilluar të gjitha ndeshjet e tyre. Për skuadrën durrsake është një sukses i rëndësishëm, sepse ajo tani është pozicionuar fort në grupin e kreut.

Dhe objektivi për të qenë në 4-shen e parë të grupit është mjaft afër. Dueli i radhës për durrsakët do të jetë ai ndaj Kozhuvit të Maqedonisë, një takim që do të luhet pas një jave në pallatin e sportit “Ramazan Njala” të qytetit të Durrësit më 23 janar në orën 19:00.

Bashkimi – Teuta                  83-101

(25-26, 21-28, 23-21, 14-26)

Renditja:

Nr.       Skuadra                                 N.        F.         H.        Pikë

1. KS Teuta                               9          6          3          15
2. Academik Bulteks                8          5          3          13
3. Beroe                                     5          5          0          10
4. KK Blokotehna-NB              5          4          1          9
5. KB Bashkimi Prizren           7          1          6          8
6. KK Kozhuv                            6          1          5          7
7. BC Barsi Atirau                    6          1          5          7