ASNN – Të premten pasdite Teuta në basketboll për meshkuj mposhti Kamza Basketin, me rezultatin 100-83. Ishte një dominim i merituar dhe me peshë për durrsakët, që me këtë fitore të radhës barazohen me pikë përkohësisht me Goga Basket në kryesimin e Superligës së meshkujve. 10-minutëshi i parë i takimit përfundoi me shifrat 21-17 në favor të “Djemve të detit”.

Ndërsa 10-minutëshi i dytë do të ishte akoma më i thellë, pasi përfundoi me shifrat 29-18, duke bërë që Teuta të shkonte në pushimin midis dy pjesëve me rezultatin 50-35. Kjo epërsi i dha mundësinë ekipit durrsak që të gjente qetësinë e duhur për të përballuar duelin pa vështirësi dhe për t’u dhënë mundësinë herë pas here në lojë që të aktivizonte edhe të rinjtë.

10-minutëshi i 3-të ishte disi më i ekuilibruar dhe përfundoi me shifrat 26-23 në favor të durrsakëve, ndërsa 10-minutëshi i katërt dhe i fundit u fitua nga Kamza Basket me shifrat 25-24, por pa ndikuar në rezultatin përfundimtar, i cili përfundoi me fitoren e “djemve të detit” 100-83, një fitore që e ngjit përkohësisht Teutën në vend të parë së bashku me Goga Basketit në kuotën e 24 pikëve.

Kampionati Kombëtar

i Basketbollit – Meshkuj

Superliga

Java e 14-të

Të premten, 1 mars 2019:

Kamza Basket – Teuta         83-100

Të shtunën, 2 mars 2019:

Goga Basket – Partizani      (17:00)

Tirana – Vllaznia                   (18:00)

Renditja

Nr.       Skuadra                     N.        F.         H.        Pikë

1. Goga Basket             13        11          2        24
2. Teuta                          14        10          4        24
3. Partizani                    13          8          5        21
4. Tirana                         13          6          7        19
5. Kamza Basket          14          3        11        17
6. Vllaznia                     13          2        11        15