Superiori ka shkatërruar Elbasanin, që pa Alban Çelën dhe Ramiz Uruçin, tashmë pjesë e Partizanit në Superiore, duket se e ka të pamundur për të vijuar rrugën e pretendimeve për t’u ngjitur lart. Një fitore me 46 pikë diferencë e skuadrës së Eduard Çarçanit, një lojë shumë e mirë, ndër më cilësoret që ky ekip ka zhvilluar këtë sezon, por dhe çdo gjë ka qenë në nivelin superior të këtij.

Me përjashtim të gabimit teknik të Trojës, që gjyqtari Trajer ia ka dhënë për protesta. Përveç pjesës së parë, atje ku Elbasani ka barazuar dhe ka dalë në epërsi, të gjitha të tjerat në vazhdim kanë qenë nën dominimin e plotë të skuadrës vendëse. 25-22 është pjesa e parë, 25-12 e dyta dhe në pushim 50-34. Fitore që vjen duke u thelluar në të tretën, të cilën Superiori e ka fituar 24-13, duke shkuar në 74-47.

Parë kështu, Sinani ka ulur në stol titullarët dhe ka aktivizuar rezervat. Dhe Superiori bën “përshesh”, sepse fiton 27-8 dhe në fund 101-55. Për t’u evidentuar është fakti se trajneri Sinani ka larguar një nga pjesëtarët e stolit me dashje, sepse ka protestuar ndaj gjyqtarëve. Tashmë, me këtë ndeshje kaq të mirë, Superiori ka rritur pretendimet e veta për t’u ngjitur më lart.

Gjithçka do të luhet në ndeshjet direkte me Ardhmërinë, që këtë të premte në ora 19:00 në fushën e skuadrës së Afrim Bilalit. Por e djeshmja ka qenë një ndeshje spektakël në të gjitha drejtimet e skuadrës së Eduard Çarçanit.

Superiori – Elbasani                        101-55

(25-22, 25-12, 24-13, 27-8)

Superiori: Pregja (18), Qilimi (12), Troja (8), Shytaj (6), Beqo (14) / Gjeçi (12), Shehi (10), Qeleshi (4), Shushku (12), Jareci (5). Trajner: E. Çarçani

Elbasani: Leka (7), I.Skëndaj (15), B.Skëndaj (19), Koçiasi, Balliu (12) / Biçoku, Guxha, Çela (2), Mata, Musta. Trajner: B. Sinani

Gjyqtarë: A. Dulçe (Tiranë), H. Trajer (Shkodër)

Kampionati Kombëtar

i Basketbollit – Meshkuj

Kategoria e Parë

Java e 13-të

(12 mars 2016)

Skënderbeu – Ardhmëria Basket  73-94

Superiori – Elbasani                                   101-55

Tirana Eagles                                   pushim

Renditja

Nr.       Skuadra                     N.        F.         H.        Psh-Pp           Pikë

1. Ardhmëria Basket    10        9            1        733-495         19
2. Superior                     11        8            3        806-582         19
3. Elbasani                    10        7            3        767-645         17
4. Skënderbeu              11        1          10        597-779         12
5. Tirana Eagles           10        1            9        458-733         11