Në Kategorinë e Parë të Kampionatit Kombëtar të Basketbollit për Meshkuj, Studenti dhe Teuta e kanë nisur fazën e dytë të tyre me fitore. Skuadra e trajnerit Henri Moja dje ka fituar ndaj Skënderbeut në Pallatin e Sportit “Asllan Rusi”, me shifrat 69-55.

Në dy pjesët e para ka dominuar Studenti, i cili pasi ka fituar 17-13 dhe 15-9 ka shkuar në pushim me epërsinë komode, 32-22. Në dy pjesët e tjera, korçarët janë munduar të godasin dhe të ngushtojnë sa më shumë. 17-22 për miqtë është pjesa e tretë.

Por është 20-11 e katërta për Studentin dhe në përfundim 69-55 për kryeqytetasit e Mojës. E vështirë ka qenë fitorja e Teutës në Elbasan, teksa skuadra e trajnerit Abrazhda ka fituar me dy pikë diferencë, 69-67.

Elbasanasit e kanë nisur më mirë pjesën e parë, teksa kanë fituar 21-20. Por durrsakët e kanë kthyer, teksa kanë triumfuar 11-23 dhe në pushim janë në epërsi 32-43. Përpiqet Elbasani të ngushtojë sa më shumë.

Vendasit i kanë fituar dy pjesët e tjerë, përkatësisht 20-15 dhe 15-11, por në përfundim fitorja i buzëqesh Teutës, në shifrat 67-69.

Kampionati Kombëtar

i Basketbollit – Meshkuj

Kategoria e Parë

Java e 7-të

(13 shkurt 2015)

Studenti – Skënderbeu      69-55

Elbasani – Teuta      67-69

Renditja

Nr.       Skuadra         N.        F.         H.        Psh-Pp                       Pikë

1. Teuta 7          5          2          516-445                     12
2. Studenti 7          5          2          483-437                     12
3. Elbasani 7          3          4          462-491                     10
4. Skënderbeu 7          1          6          413-499                     8