Elbasani nuk ia ka dalë dot që të fitojë në përballjen e basketbollit të meshkujve me Skënderbeun e luajtur dje në Pallatin e Sportit “Tomorr Sinani”, teksa pas kohës shtesë janë mundur në shifrat 80-78.

Në një ndeshje të bukur dhe emocionuese, miqtë janë treguar më të saktë dhe më të qetë në rastet e tyre, duke ia dalë të fitojnë përballë verdhebluve. Pjesa e parë u mbyll 23-25 në favor të korçarëve dhe diferenca thellohet në të dytën.

Kjo, pasi ky 10-minutësh mbyllet 8-20 e në total 31-45 për Skënderbeun. Diferenca është e konsiderueshme, por vendasit barazojnë gjithçka, teksa fitojnë pjesën e tretë 24-13 dhe të katërtën 16-13, duke i dërguar shifrat në 71-71.

Nevojiten pesë minutat shtesë për të përcaktuar fituesin, ku elbasanasit detyrohen të luajnë me një lojtar më pak në fushë për shkak të personaleve. Me shumë mund, miqtë fitojnë 7-9, me dypikëshin e shënuar në sekondat e fundit të lojës dhe krejt takimi përfundoi 78-80.

ELBASANI – SKËNDERBEU 78-80

(23-25, 8-20, 24-13, 16-13 / 7-9)

ELBASANI: Biçoku, Isufi, B. Skëndaj, Mata, Leka / Koçiasi, I. Skëndaj, Musta, Balliu. Trajner: B. Sinani

SKËNDERBEU: Bala, Nika, Terolli, Thanas, Simaku / Habib, Topi, Duçi, J. Kristo, Germeni, I. Kristo, Qazimllari. Trajner: I. Nika

GJYQTARË: A. Bejko, E. Tiko

Kampionati Kombëtar

i Basketbollit – Meshkuj

Kategoria e Parë

Java e 16-të

(2 prill 2016)

Të shtunën:

Elbasani – Skënderbeu      78-80

Superiori – Eagles               78-49

Ardhmëria Basket                pushim

Renditja

Nr.       Skuadra                     N.        F.         H.        Psh-Pp           Pikë

1. Superior                     13        10          3        949-694         23
2. Ardhmëria Basket    12        10          2        868-607         22
3. Elbasani                    13          8          5        977-866         21
4. Skënderbeu              13          3        10        740-918         16
5. Tirana Eagles           13          1        12        637-959         14