Shkodrani, i cili ka qenë shënuesi më i mirë me 25 pikë, me trepikëshin e tij e ka nxjerrë në avantazh skuadrën bregdetare në fund të pjesës së tretë, kurse ish-lojtari bardheblu vulos fitoren. Një trepikësh i Marës dhe një dypikësh i Merkajt e ka nxjerrë shpejt në avantazh Ardhmërinë, që ka kryesuar 5-0. Teuta, e marrë përsipër nga Shestani, arrin të afrohet pak nga pak derisa ka kaluar në përmbysje 7-9.
Barazon për herë të fundit Ardhmëria në 9-9 dhe më pas ka një “black-out” për skuadrën e trajnerit Afrim Bilali. Me një epërsi të pjesshme 0-10, Teuta shkëputet në 9-19 e duket sikur e ka ndeshjen nën kontroll. Shënon Ardhmëria, por dhe Teuta e në fund të pjesës së parë 11-20. E tashmë errësimi i lojës ndodh për Teutën, ndërsa Ardhmëria me një epërsi të pjesshme 7-0, afrohet në 18-20.
Luan pjesën e saj më të mirë, të cilën e ka fituar 23-12 dhe në fund të pjesës së dytë në epërsi 34-32. E nis ndryshe Bilali pjesën e tretë, ndërsa ka në fushë Hoxhën, Shahinin, Merkajn, Ferrën e Beqon, sepse Sukaj e Gjonaj janë vonuar të dalin nga dhomat e zhveshjes. Ardhmëria është shkëputur deri në 50-43. Madje Teuta është afruar deri në 53-52 dhe në sekondat e fundit Shestani ka vulosur epërsinë e durrsakëve 53-55.
Teuta e kontrollon lojën mirë dhe ka mundur të dalë në epërsi 67-70. Kërkohet që Ardhmëria të marrë topin dhe të arrijë të ngushtojë, pse jo deri në tentativën për të përmbysur. Por, atë që nuk e ka bërë Ardhmëria, e ka bërë Jani për Teutën me atë trepikësh vendimtar. 67-73 për durrsakët dhe ndeshja nuk ka më kohë për përmbysje, e cila kështu ka vulosur suksesin e dytë të durrsakëve në kampionat.
Për t’u evidentuar është fakti se janë ndëshkuar me gabime teknike Daliu e Jani të Teutës, por që kjo nuk ia zbeh suksesin durrsakëve.
Ardhmëria Basket – Teuta 67-73
(11-20, 23-12, 19-23, 14-18)
Ardhmëria Basket: Merkaj (11), Sukaj (14), Gjonaj (16), Mara (9), Ferra (4) / Hoxha (4), Shahini (3), Beqo (6). Trajner: A. Bilali
Teuta: Gorea (9), Thano (8), Strazimiri, Daliu (3), Shestani (25) / Aliaj, Veselagu (7), Pasha (8), Jani (13). Trajner: N. Milatoviç
Gjyqtarë: G. Hoxha, O. Kasmi (Tiranë), M. Kasëmi (Vlorë)
Kampionati Kombëtar
i Basketbollit – Meshkuj
Superliga
Kalendari i javës së dytë:
(21 tetor 2016)
Të premten:
Vllaznia – Flamurtari 106-44
Ardhmëria Basket – Teuta 67-73
Kamza Basket – Tirana 66-86
Renditja
Nr. Skuadra N. F. H. Psh-Pp Pikë
- Tirana 2 2 0 168-131 4
- Teuta 2 2 0 161-132 4
- Vllaznia 2 1 1 171-126 3
- Ardhmëria Basket 2 1 1 142-104 3
- Kamza Basket 2 0 2 131-174 2
- Flamurtari 2 0 2 75-181 2
