Humbja e djeshme e fierakëve me plot 67 pikë diferencë tregon se kjo skuadër nuk mund të përballojë tre ndeshje brenda një jave. Të kuqtë e Fagut dhe Ismetit dëshmojnë se janë një ekip me stol. Një ditë e mirë për Pyllën, i cili me 18 pikët e tij ka qenë shënuesi më i mirë i Partizanit. Herë me 3-pikësha dhe herë me dypikësha, Pylla është gjithnjë në vendin e duhur për ta futur topin në koshin e fierakëve.

Me vështirësi ka dalë në lojën e tij Pregja, që gjithsesi në fund ka arritur të shënojë 16 pikë, apo dhe Jareci, që ka shënuar 12 pikë, e ndërkohë një ditë jo e mirë për Dervishin e Florian Ismetin. E megjithatë Partizani arrin të fitojë pjesën e parë 19-9. Fagu hedh në fushë Gozhdarin, Qilimin, Laçin, Ikonomin e më vonë dhe Kriston, Babasulin e Bardhin. 17-12 pjesa e dytë dhe në pushim Partizani ka kryesuar 36-21.

Në dy pjesët e dyta, Partizani nuk ka më kundërshtar. Fiton 29-4 të tretën dhe thellon në 65-25. E parë kështu duke lënë vetëm Marvi Kriston në fushë ka ndërtuar një pesëshe me Ikonomin, Jarecin, Bardhin dhe Babasulin. E të rinjtë nuk mbahen, sepse në dëshirën e tyre për të treguar më të mirën përballë trajnerëve e ”çajnë” koshin e kundërshtarit.

39-12 është pjesa e katërt për të kuqtë, dhe, në fund, 104-37 për Partizanin, që kështu është kthyer në një skuadër rekordesh në Kategorinë e Parë duke treguar që tani se e meriton të jetë sezonin e ardhshëm në Superligën e Kampionatit Kombëtar të Basketbollit për Meshkuj.

Partizani – Apolonia             104-37

(19-9, 17-12, 29-4, 39-12)

Partizani: F. Ismeti (5), Pregja (16), Dervishi (5), Pylla (18), Jareci (12) / Gozhdari (2), Qilimi (9), Laçi, Ikonomi (8), Babasuli (7), Kristo (11), Bardhi (11). Trajner: E. Ismeti / A. Fagu

Apolonia: Çobo (3), Naçi (2), Ademi (5), Alimemaj (5), Prifti (3) / Bare (12), Mile, Zh. Ajdhoni (4), Shkurti, V. Ajdhoni (2), Hebeja, Salillari (1). Trajner: O. Profka

Gjyqtarë: M. Kasëmi (Vlorë), G. Hoxha (Tiranë)

Kampionati Kombëtar

i Basketbollit – Meshkuj

Kategoria e Parë

Java e 3-të

(28-29 tetor 2016)

Të premten:

Partizani – Apolonia                                    104-37

Të shtunën:

Elbasani – Tirana Eagles Basket  ora 17:00

Skënderbeu                                      pushim

Renditja

Nr.       Skuadra                                 N.        F.         H.        Psh-Pp           Pikë

1. Partizani                                3          3          0          261-155         6
2. Apolonia                                3          1          2          153-238         4
3. Tirana Eagles Basket          1          1          0            69-42            2
4. Skënderbeu                          2          0          2          128-161         2
5. Elbasani                                1          0          1            55-70            1