Partizani ka korrur një tjetër triumf për ditëlindjen e “ish”-ëve, duke triumfuar 66-44 ndaj Tirana Eagles Basket. Ka qenë dje 65-vjetori i lindjes së Festim Ismetit, trajnerit që kontribuon prej 42 vjetësh në klubin e kuq me moshat. Luhet pikë më pikë në pjesën e parë, por Partizani ia del të jetë fitues 15-18.

Mandej dominon dhe të dytën 13-16 dhe në pushim është në epërsi 28-34. Tirana Eagles lëshon në lojën e tij e Partizani bën “përshesh”. Me një rezultat të pjesshëm 0-20 ka thelluar në 28-54. E ka fituar pjesën e tretë 4-20 dhe në fund 32-54. E fundit është barazim, por me suksesin e Partizanit, 44-66.

Të kuqtë vazhdojnë të kryesojnë bindshëm në Kategorinë e Parë. Për t’u evidentuar është një gabim teknik për Dervishin, që më pas ka lënë stolin si rrjedhojë e një keqkuptimi me atë vendim të gjyqtarëve. Për gjykimin ka pasur pakënaqësi dhe nga trajneri i Tirana Eagles Basket, Juri Dashi, që për “Sport Ekspres”, ka folur në fund të ndeshjes.

“Jam trajner i ri dhe bëj shumë gabime dhe në lojën e skuadrës sime, – ka deklaruar trajneri i ekipit privat të koshit kryeqytetas. – I pranoj ato, por gjykim sot (dje) ishte i dobët. Nuk po them se ndikoi në rezultat, por pengoi cilësinë e lojës. Suksese Partizanit!”. Kësisoj të kuqtë kanë fituar dje për Festim Ismetin.

Tirana Eagles Basket – Partizani               44-66

(15-18, 13-16, 4-20, 12-12)

Tirana Eagles Basket: Nikolli (3), Zavalani (4), Shehi (12), Adili (2), Shytaj (2) / Nasi (4), Allaraj (7), Vogli, Prodani (2), Musta (8). Trajner: J. Dashi

Partizani: F. Ismeti (14), Pylla (9), Dervishi (2), Pregja (12), Jareci (19) / Gozhdari, Kristo, Ikonomi, Qilimi (6), Laçi, Troja (2), Bardhi (2). Trajner: E. Ismeti / A. Fagu

Gjyqtarë: E. Koçi (Tiranë), E. Hoxhaj (Vlorë)

Kampionati Kombëtar

i Basketbollit – Meshkuj

Kategoria e Parë

Java e 4-t

(5 nëntor 2016)

Të shtunën:

Tirana Eagles Basket – Partizani              44-66

Skënderbeu – Elbasani                              72-83

Apolonia                                                        pushim

Renditja

Nr.       Skuadra                                 N.        F.         H.        Psh-Pp           Pikë

1. Partizani                                4          4          0          327-199         8
2. Tirana Eagles Basket          3          2          1          197-177         5
3. Elbasani                                3          1          2          207-226         4
4. Apolonia                                3          1          2          153-238         4
5. Skënderbeu                          3          0          3          200-244         3