Mungon trofeu për skuadrën e kuqe, e cila në 16 ndeshje ka korrur 16 fitore radhazi, por në Federatë presin fundin e sezonit. Një ndeshje pa shumë histori për Partizanin, ndërsa pjesa e parë ka përfunduar 20-2 dhe koshi i parë i Tirana Eagles Basket ka ardhur kur kishin mbetur 29 sekonda nga përfundimi i 10-minutëshit të parë.

Sepse dje, përtej tentativave, koshi duket se ka qenë i mbyllur dhe shumë i vogël për skuadrën e trajnerit Klarent Dedaj. Ndërkohë që Partizani administron dhe thellon epërsinë, teksa fiton pjesën e dytë me shifrat 16-7 dhe në pushim është bindshëm në kryesim 36-9.

Në fundin e pjesës së dytë ka ardhur një gabim teknik për stolin, sepse trajneri i Tirana Eagles Basket, Klarent Dedaj, ka protestuar ndaj vendimit të gjyqtarit Gilbert Hoxha. E debati ka vazhduar në pushim edhe me Kasëmin, aq sa në një moment Dedaj i ka kujtuar se ka 16 ndeshje që gjykon Partizanin.

“Atë s’e di unë, e di Federata. Megjithatë gjithnjë ne jemi fajtor e jo ju”, i ka kthyer përgjigje Kasëmi Dedajt e më pas gjithçka ka qenë e qetë. 20-6 për Partizanin pjesa e 3-të dhe 56-15 në total. Skuadra e Dedajt është zgjuar në pjesën e fundit, që e ka fituar 16-17 dhe në përfundim 72-32 në ndeshjen më të dobët të sezonit për Eagles Basket.

Partizani feston, edhe pse pa kupë si kampione e Kategorisë së Parë, ndërsa kështu ishte kalimtare në këtë ligë inferiore të basketbollit shqiptar.

Partizani – Tirana Eagles Basket   72-32

(20-2, 18-7, 20-6, 16-17)

Partizani: Pregja (7), Selimaj, Pylla (11), Babasuli (6), Gozhdari (10) / Qilimi (17), Bardhi (10), Dervishi (2), Kristo (4), Jareci, Ikonomi (6). Trajner: A. Fagu / E. Ismeti

Tirana Eagles Basket: Shytaj (6), Prodani, Nasi, Zavalani (3), Nikolli (14) / Sako (1), Allaraj, Kala (2), Vogli, Adili (2), Nallbani (4). Trajner: K. Dedaj

Gjyqtarë: G. Hoxha (Tiranë), M. Kasëmi (Vlorë)

Kampionati Kombëtar

i Basketbollit – Meshkuj

Kategoria e Parë

Java e 19-të

(24-25 mars 2017)

Të premten:

Partizani – Eagles Basket              72-32

Të shtunën:

Elbasani – Skënderbeu                  ora 13:00

Apolonia                                            pushim

Renditja

Nr.       Skuadra                                 N.        F.         H.        Psh-Pp                       Pikë

1. Partizani                                16        16          0        1242-739                   32
2. Tirana Eagles Basket          15          9          6          958-852                   24
3. Apolonia                                15          6          9          858-1051                 21
4. Skënderbeu                          14          3        11          891-1002                 17
5. Elbasani                                14          3        11          748-1051                 17