ASNN – Në prologun e Kategorisë së Parë, siç njihet ndryshe niveli i dytë i Kampionatit Kombëtar të Basketbollit për Meshkuj, Elbasani humbi në shtëpi ndaj Teutës 47-79, teksa Studenti e ka nisur mbarë me korçarët 65-51.

Në fakt, dueli i Elbasanit ka nisur më mirë për vendasit, të cilët e kanë fituar 10-minutëshin e parë, me shifrat 19-16, duke vijuar të shkojnë madje në pushim duke kryesuar me rezultatin 28-25, pasi pjesa e dytë u mbyll në barazim 9-9.

Por 20 minutat e dyta kanë qenë tërësisht për t’u harruar për djemtë e trajnerit Arben Xhyra, pasi Teuta ka shpërthyer në pjesën e tretë, ku praktikisht ka shënuar gjysmën e pikëve të saj në këtë ndeshje, pasi këtë 10-minutësh e ka fituar 35-16.

Kësaj epërsi prej 16 pikësh do t’i shtohen edhe 16 pikë të tjera në pjesën e katërt dhe të fundit, të cilën skuadra durrsake e trajnerit Abrazhda e fiton bindshëm, 19-3, dhe gjithë ndeshjen 79-47.

Kësisoj, pas javës së parë, Teuta ndan vendin e parë me Studentin, që ka fituar në kryeqytet ndaj Skënderbeut.

ELBASANI – TEUTA            47-79

(19-16, 9-9, 16-35, 3-19)

ELBASANI: Musta, Biçoku, B. Skëndaj, Mata, Koçiasi / Leka, I. Skëndaj, Isufi, Çarhoshi, Balliu, Guxha, Çela. Trajner: A. Xhyra

TEUTA: Shabani, Lleshi, Isufi, Legisi, Vasalegu / Pasha, Isaku, Berberi, Hyqmeti, Mirdita. Trajner: B. Abrazhda

GJYQTARË: G. Shaqiri, G. Hoxha (Tiranë)

Kampionati Kombëtar

i Basketbollit – Meshkuj

Kategoria e Parë

Java e parë

(25 tetor 2014)

Elbasani – Teuta                  47-79

Studenti – Skënderbeu      65-51

Renditja

Nr.       Skuadra         N.        F.         H.        Psh-Pp           Pikë

1. Teuta 1          1          0          79-47              2
2. Studenti 1          1          0          65-51              2
3. Skënderbeu 1          0          1          51-65              1
4. Elbasani 1          0          1          47-79              1