ASNN – Kampionati Kombëtar i Basketbollit për Meshkuj ka luajtur dje ndeshjen e tij të parë të 7-të dhe Apolonia është shpartalluar në Sallën Sportive të Bathores nga Kamza Basket, me rezultatin e thellë, 52-119.

Një fitore kjo me 67 pikë diferencë dhe Kamza Basket e ka tronditur kështu Apoloninë, në një ndeshje ku shenjat kanë qenë të qarta që nga fillimi, pasi skuadra e trajnerit Adem Muhametaj e ka fituar pjesën e parë me epërsinë 36-14.

Në pjesën e dytë, ku fierakët kanë shënuar sërish vetëm 14 pikë, kamzalinjtë mjaftohen me 25 dhe shkojnë në pushimin e madh në epërsi të padiskutueshme, 61-28. Edhe dy 10-minutëshat e fundit kanë qenë pak a shumë e njëjta histori.

Kamza Basket i fiton ato përkatësisht 33-14 dhe 25-10 dhe gjithë ndeshjen me rezultatin e thellë 119-52, ndërsa dy takimet e tjera të javës së 7-të, Vllaznia-Flamurtari dhe Tirana-Partizani, luhen sot.

Kamza Basket – Apolonia   119-52

(36-14, 25-14, 33-14, 25-10)

Kampionati Kombëtar

i Basketbollit – Meshkuj

Java e 7-të

(21-22 nëntor 2014)

Të premten:

Kamza Basket – Apolonia   119-52

Të shtunën:

Vllaznia – Flamurtari

Tirana – Partizani

Renditja

Nr.       Skuadra                     N.        F.         H.        Psh-Pp           Pikë

1. Vllaznia 6          6          0          511-378         12
2. Tirana 6          5          1          520-395         11
3. Kamza Basket 7          3          4          508-378         10
4. Partizani 6          4          2          386-368         10
5. Flamurtari 6          1          5          392-477         7
6. Apolonia 7          0          7          372-641         6