Bardheblutë e kanë humbur dhe ndeshjen e fundit në “Karagaçi” me plot 24 pikë diferencë e kësisoj i kanë thënë “Lamtumirë” edhe zyrtarisht Ligës Ballkanike të Basketbollit për Meshkuj. Tirana e ka mbyllur me disfatë pjesëmarrjen e saj në Ligën Ballkanike, ndërsa Peja është hakmarrë ndaj bardhebluve për atë humbje të 1 dhjetorit 2016 në sekondat e fundit në Pallatin e Sportit “Asllan Rusi” në kryeqytet, pas trepikëshit të Grifin Ramesë.
24 pikë diferencë ka qene humbja e Tiranës, e cila kështu e ka mbyllur Ligën Ballkanike në fundin e grupit B me tre fitore dhe shtatë humbje. Deri diku paraqitje e kënaqshme, por duke pasur ndeshje radhazi në fushën e vet Tirana duhet të kishte bërë më mirë, sepse i kishte të gjitha shanset për të shkuar më tej. Por, sidoqoftë, edhe kjo ishte përvojë për skuadrën e trajnerit Nikola Milatoviç, që tashmë kërkon Superkupën dhe titullin “kampion”
Nëse pjesa e parë është pikë më pikë, e fituar nga Peja 22-18, e dyta është tërësisht për skuadrën vendase. 27-16 dhe në përfundim të gjysmës së parë është shënuar disavantazhi 49-34. Të krijohet përshtypja se do të luhet si më 1 dhjetor 2016, teksa Tirana përmbysi ndërsa ishte në disavantazh të 13 pikëve, 37-50. Por nuk ndodh. Peja fiton dhe pjesën e tretë 24-15 dhe thellon në 73-49. E fundit është e barabartë, por që vulos fitoren e Pejës, 96-72.
Fitore kjo, që shënon kryesimin në grupin B të Ligës Ballkanike për skuadrën nga Kosova, e cila duket se do të jetë e vetmja shqiptare pas skualifikimit të Bashkimit të Prizrenit, SIGAL Prishtinës dhe Treçës së Mitrovicës.
Peja – Tirana 96-72
(22-18, 27-16, 24-15, 23-23)
Peja: Billi (23), Tilotson (5), Randëlls (6), Rid (6), Veseli (11) / Dahlman (11), Ahmetbashiç (16), Mekaj (4), Hajdari (8), Matoshi, Callakaj (6). Trajner: A. Todorov
Tirana: Hysenagolli (23), Shima (16), Strazimiri, Lasku (7), Durrsi / Xhonson (8), Karaj (6), Vogli (8), Hysa, Gjyzeli (4), Pashaj. Trajner: N. Milatoviç
Gjyqtarë: I. Manolov, S. Stojanova (Bullgari), Z. Mitrovski (Maqedoni)
Liga Ballkanike (BIBL 2016)
Basketboll – Meshkuj
Grupi B
Java e 10-të
(25-26 janar 2017)
Të mërkurën:
Peja – Tirana 96-72
Karpos Sokoli – MKK Feni Industries 79-63
Të enjten:
Sutjeska Nikshiç – Trepça Mitrovicë ora 19:00
Renditja
Nr. Skuadra N. F. H. Pp-Pp Pikë
1. Peja 10 7 3 766-673 17
2. MKK Feni Industries 10 6 4 749-697 16
3. Karposh Sokoli 10 5 5 779-810 15
4. Sutjeska Nikshiç 9 5 4 683-646 14
5. Tirana 10 3 7 695-807 13
6. Trepça Mitrovicë 9 3 6 559-607 12
