ASNN – Është hedhur ditët e fundit shorti i edicionit të 11-të të Ligës Ballkanike për meshkuj në basketboll (BIBL), veprimtari ku do të debutojë skuadra e Teutës, ndërsa Tirana, kampione në fuqi, u tërhoq për arsye financiare. Në këtë edicion do të marrin pjesë vetëm 6 skuadra, një numër i ulët krahasuar me edicionet e fundit.

Përveç skuadrës durrsake janë edhe dy ekipet bullgare, Akademik Bulteksi dhe BC Beroe e Starazagorës, dy skuadra kosovare, Bashkimi i Prizrenit dhe Prishtina, si dhe maqedonasit e Kozhuvit. Do të luhet me sistem vajtje-ardhje, duke nisur nga data 16 tetor, kur Teuta do të luajë ndeshjen e saj të parë, atë ndaj Akademik në Durrës.

Sipas drejtuesve të BIBL-së, pas 10 tureve, 4 skuadrat e para do të luajnë mes tyre në gjysmëfinalet e këtij turneu ballkanik (edhe ato janë me sistem vajtje-ardhje). Dy fituesit do të luajnë në prill në finalet e Ligës Ballkanike, ku “kampione” do të shpallet skuadra që fiton 2 nga 3 ndeshjet finale.

Liga Ballkanike 2018-2019

Basketboll – Meshkuj

Kalendari i Teutës:

16 tetor 2018:

Teuta – Akademik Bulteks

23 tetor 2018:

Teuta – Bashkimi i Prizrenit

7 nëntor 2018:

Kozhuv – Teuta

13 nëntor 2018:

Teuta – Prishtina

18 dhjetor 2018:

BC Beroe – Teuta

20 dhjetor 2018:

Akademik Bulteks – Teuta

16 janar 2019:

Bashkimi – Teuta

22 janar 2019:

Teuta – Kozhuv

6 shkurt 2019:

Prishtina – Teuta

13 shkurt 2019:

Teuta – BC Beroe