Kamza Basket duket se ia ka marrë dorën Tiranës, të cilën e ka mundur përsëri mbrëmë, këtë herë në Sallën Sportive “Fahrie Hoti” në kryeqytet. Kamzalinjtë, të udhëhequr nga Karaj dhe më pas me radhë Hamati, Shestani, Fjolla e Birçaj e vënë që në fillim ndeshjen nën kontroll. Mirëpo në të njëjtën monedhë përgjigjet dhe Tirana, e cila e ka fituar pjesën e parë 18-16.

Kamza kthen në të dytën dhe duke fituar 11-17 arrin të përmbysë në 29-33. Tirana lëshohet në të tretën, fiton 20-13 dhe kryeson 49-46. Mirëpo e fundit është tërësisht për kamzalinjtë, të cilët kanë fituar 7-20 dhe krejt ndeshjen 56-66. Nga gjyqtarët Gokaj, Basho dhe Hoxha është dhënë edhe një gabim teknik përjashtimi për trajnerin e Kamza Basket, Adem Muhametaj, i cili ka kërkuar sqarime në fund.

Por vetëm ndërhyrja e personave të tjerë ka shmangur ndonjë përplasje të mundshme me gjyqtarët. Po kështu Karaj ka luajtur i dëmtuar pas një çarje në vetull gjatë një përplasjeje, ndërsa ka qenë i pranishëm kryetari i Bashkisë së Kamzës, Xhelal Mziu, sikurse dhe “Fanatiksat” e rinj. Por Tirana përsëri nuk ia ka dalë në fushën e vet. Dy humbje radhazi për Tiranën, ndërsa bardheblutë e Avramit duken në krizë.

Tirana – Kamza Basket        56-66

(18-16, 11-17, 20-13, 7-20)

Kampionati Kombëtar

i Basketbollit – Meshkuj

Superliga

Java e 17-të

(9 prill 2016)

Tirana – Kamza Basket       56-66

Vllaznia – Partizani             92-73

Flamurtari – Teuta               54-72

Renditja

Nr.       Skuadra                     N.        F.         H.        Psh-Pp          Pikë

1. Kamza Basket          17        15          2        1229-1007     32
2. Vllaznia                     17        13          4        1214-1053     30
3. Tirana                         17        11          6        1268-1105     28
4. Teuta                          17          8          9        1256-1196     25
5. Flamurtari                  17          3        14        1027-1330     20
6. Partizani                    17          1        16        1032-1235     18