ASNN – Grushte në Shkodër, ndërsa është goditur basketbollisti i Kamza Basket, Nazareno Koko. Incidenti në fjalë ka ndodhur në momentin e mbylljes së pjesës së parë. Kur skuadrat po i drejtoheshin dhomave të zhveshjes, një tifoz vendës ka arritur të futet në mjediset e brendshme të Pallatit të Sportit “Qazim Dervishi” dhe gjatë një debati me një nga basketbollistët e Kamza Basket, Nazarenon Kokon, e ka goditur atë.

Ngjarja në fjalë nuk është se është se ka rënë shumë në sy, pasi situata ishte krejtësisht e qetë dhe pa asnjë sinjal të nxitur nga loja. Vllaznia, pas barazimit në pjesën e parë 20-20, në pjesën e dytë ka shpërthyer me një lojë shumë cilësore. Dhe pasi e ka fituar këtë pjesë thellësisht 27-9 ka mbyllur pjesën e parë me 18 pikë epërsi.  Megjithatë sinjalizimi i një personi nga tribuna, që i përkiste kampit mysafir, tek trajneri Muhametaj ka bërë që ky i fundit të tërheqë skuadrën nga fusha.

Vendimi ishte për bojkotin e ndeshjes në fjalë nga skuadra mike dhe ashtu vazhdonin të ishin udhëzimet e drejtuesve të Kamzës për ekipin e tyre. Gjyqtarët e ndeshjes, së bashku me vëzhguesin Shpëtim Bozgo, janë vënë menjëherë në lëvizje. Pas një dialogimi disa minutësh me trajnerin Muhametaj e kanë bindur atë që skuadra të rikthehen në fushën e lojës.

Ka pasur një problem në lidhje me kohën, pasi miqtë kanë kërkuar edhe disa minuta më shumë në dispozicion për të bërë nxehjen e pjesës së dytë, gjë që gjyqtaria ia ka plotësuar. Më pas ka vijuar loja dhe vendësit kanë vijuar të dominojë në fushën e lojës. Me 25 pikët e Gjon Ndojës, 17 të Julian Hamatit dhe 16 të Ervin Berdicës ata kanë fituar të gjithë ndeshjen 100-71.

Vllaznia – Kamza Basket 100-71

(20-20, 27-9, 24-15, 29-27)

Vllaznia: Berdica, Ndoja, Hamati, Bekteshi, Da. Lekndreaj / Do. Lekndreaj, Rrashketa, Rakaj, Selimi. Trajner: F. Halluni

Kamza Basket: Llazani, Çela, Vaqarri, Qeleshi, Birçaj / E. Muhametaj, Koko, Balliu, Dedaj, G. Muhametaj Trajner: A.Muhametaj

Gjyqtarë: G. Cici, E. Koçi (Tiranë), M. Kasemi (Vlorë)

Kampionati Kombëtar

i Basketbollit – Meshkuj

Superliga

Java e 9-të

(16-17 dhjetor 2016)

Të premten:

Teuta – Flamurtari                             94-62

Të shtunën:

Tirana – Ardhmëria Basket                          98-70

Vllaznia – Kamza Basket               100-71

Renditja

Nr.       Skuadra                     N.        F.         H.        Psh-Pp           Pikë

1. Tirana                         9          8          1          803-620         17
2. Teuta                          9          7          2          709-571         16
3. Vllaznia                     9          6          3          679-619         15
4. Kamza Basket          9          4          5          705-721         13
5. Ardhmëria Basket    9          2          7          586-603         11
6. Flamurtari                  9          0          9          472-821           9