Gentian Cici, ndërkombëtari i basketbollit shqiptar, dje pasdite ka gjykuar ndeshjen e tij të 11-të në “Euro Cup” për meshkuj.
Ai ka qenë në ndeshjen e grupit J në Klaipeda të Lituanisë, atje ku skuadra vendëse, Neptunas, në prani të 5,230 shikuesve në “Sviturio Arena” ka mundur 73-65 (20-9, 18-20, 12-23, 23-13) gjermanët e Alba Berlinit.
Në këtë ndeshje Cici ka qenë gjyqtar i tretë, kurse i parë ishte çeku Robert Viklicki dhe i dytë ukrainasi Sergei Zashuk.
Kësisoj pas dy ndeshjen në Ljubjanë, dy në Spanjë (Las Palmas dhe Saragoza), më pas në Bukuresht, Podgoricë, Rexhio-Emilja, Trabzon, Tzigaleti, Limozh, tashmë i shton vetes edhe një ndeshje në Lituani.
E duke qenë çdo javë në “Euro Cup”, Cici vijon të vlerësohet maksimalisht nga ndërkombëtarët.
