ASNN – Tirana ka marrë fitoren e dytë të sezonit, ndërsa Flamurtari pas një nisje të mirë të kampionatit ka dështuar në dy ndeshje radhazi. Ndeshja e luajtur në Pallatin e sportit në Vlorë ka nisur mjaft mirë për Flamurtarin, që shkëputet deri në 7-2. Por Tirana futet bindshëm në lojë dhe dhjetë minutat e para i fiton 25-7. Vlonjatët e kanë fituar pjesën e dytë 25-17, por vetëm kanë ngushtuar 32-42. Më pas fiton përsëri Tirana 15-29 dhe në total 47-71.

Pjesa e fundit është në barazpeshë, 14-14, dhe në përfundim 61-85 për Tiranën. Kështu, bardheblutë arrijnë një fitore të rëndësishme në Vlorë ndaj Flamurtarit vendës. Që në pjesën e parë, Flamurtari ka nisur në sulm, ku në 2-3 minutat e para rezultati ka qenë 7- 2 në favor, por menjëherë pas kësaj, Tirana ka shënuar plot 23 pikë dhe, në krahun tjetër, nuk e ka lejuar Flamurtarin të shënojë më asnjë pikë gjatë gjithë minutave të mbetura.

Në pjesën e dytë, vlonjatët e udhëhequr nga kapiteni Kaso, por edhe nga talenti Kollovi e Mino, komandojnë të gjithë minutat e këtij 10-minutëshi, duke e fituar atë 25-17. Në pjesën e tretë, janë përsëri kryeqytetasit e drejtuar tashmë në distancë nga i mirënjohuri Roland Avrami, pas një loje të bukur në grup dhe gjuajtjeve të sakta nga çdo distancë, e mbyllin me fitore 15-29. Pjesa e katërt ka vendosur barazpeshë, por krejt takimi përfundoi 61-85 për bardheblutë.

Flamurtari – Tirana               61-85  

(7-25, 25-17, 15-29, 14-14)

Flamurtari: Sotiri, Kaso, Kollovi, Sinanaj, Mino / Nuredini, Toska, Gani, Beko, Bino, Birçe. Trajner: V. Birçe

Tirana: Gjonaj, Jani, Lasku, Gjyzeli, Lilaj / Vogli, Vaqarri, Sukaj. Trajner: O. Ago

Gjyqtarë: O. Kasmi, F. Jaçe (Tiranë), E. Hoxhaj (Vlorë)

Kampionati Kombëtar

i Basketbollit – Meshkuj

Java e 3-të

(16-17 tetor 2015)

Të premten:

Partizani – Kamza Basket  37-82

Të shtunën:

Flamurtari – Tirana              61-85

Vllaznia – Teuta                   78-71

Renditja

Nr.       Skuadra                     N.        F.         H.        Psh-Pp           Pikë

1. Vllaznia             3          3          0          218-190         6
2. Kamza Basket 3          2          1          230-172         5
3. Tirana             3          2          1          230-223         5
4. Teuta                         3          1          2          225-221         4
5. Flamurtari             3          1          2          203-232         4
6. Partizani             3          0          3          163-231         3