Liga Ballkanike ka qenë këtë javë për ndërkombëtarin vlonjat të basketbollit shqiptar, Erjon Hoxhaj, i cili dje ka gjykuar ndeshjen e tij të pestë për sezonin 2016-2017 në këtë veprimtari. Ai ka qenë gjyqtar i tretë në ndeshjen e grupit C mes Sutjeskës së Nikshiqit dhe Kozhuvit, të cilën malazezët e kanë fituar 84-76 (26-21, 14-16, 22-21, 22-18).

Në këtë ndeshje, gjyqtar i parë ka qenë boshnjaku Damir Kunoshiç, kurse i dytë boshnjaku tjetër Dragan Kralj e vëzhgues malazezi Nikola Lepetiç. Hoxhaj e gjykon për herë të 3-të Sutjeskën, sepse më parë ka qenë në dy vizita të skuadrës malazeze, më 16 nëntor 2016, Trepça Mitrovica-Sutjeska 75-73.

Dhe më 18 janar 2017 ka qenë MKK Feni Industries-Sutjeska 80-55. E po kështu ka gjykuar dhe 3 herë Kozhuvin, si dhe nga një herë Teodon e Kumanovo 2009. Kësisoj, gjyqtari Hoxhaj, që është i përfshirë dhe në Kupat e Evropës, mbetet në qendër të vëmendjes dhe në Ligën Ballkanike.

Liga Ballkanike (BIBL 2016-2017)

Basketboll – Meshkuj

Grupi C

Java e dytë

(7 shkurt 2017)

Sutjeska Nikshiq – Kozhuvi                                   84-76

MKK Feni Industries – Beroe Stara-Zagora        84-85

Renditja

Nr.       Skuadra                                 N.        F.         H.        Psh-Pp           Pikë

1. Beroe Stara-Zagora             4          4          0          366-325         8
2. Sutjeska Nikshiq                  4          2          2          294-331         6
3. MKK Feni Industries           4          1          3          308-308         5
4. Kozhuvi                                 4          1          3          330-334         5