Me fitoren e arritur në fushë të huaj ndaj Tiranës, Vllaznia duket se ka marrë rrugën e kthesës për mirë. I duhej djemve të trajnerit Bledar Gjeçaj ajo fitore për të fituar moralin e nëpërkëmbur pas zhgënjimit jo vetëm në finalet e Kupës së Shqipërisë, por edhe me atë humbje tjetër në shtëpi me Kamza Basket menjëherë më pas në kampionat.

Nga sa shikohet në fushën e lojës, krahas të tjerëve që shfaqen dukshëm në rritje të parametrave të tyre, ajo që të bën përshtypje është loja gjithnjë e në rritje e basketbollistit amerikan Alen. Këmbëngulja e presidentit Sokol Dibra, si dhe e stafit teknik, duke qenë të bindur në vlerat e tij rezultuan pozitive.

Alen, edhe pse më shtatshkurtër në krahasim me pjesen tjetër të skuadrës, ka një rritje tejet të ndjeshme, aq sa tashmë është bërë faktor përcaktues në lojës e skuadrës kuqeblu. I tillë ka qenë edhe dje, ku së bashku me Bërdicën, Arrën, Faslinë, Gjonaj, të riun e talentuar Rrashketa, është paraqitur në mënyrën më të mirë në fushën e lojës.

Referuar ecurisë së ndeshjes, përjashto minutat e parë ku miqtë nga Vlora patën momente që kryesuan,  vazhdimësia foli tërësisht për Vllazninë.  Pasi e mbyllën pjesën e parë me shifrat 24-20 në favor të tyre, basketbollistët kuqeblu kanë vijuar të luajnë mjaft mirë, madje duke ardhur duke e thelluar nga minuta në minuta rezultatin ku në fund fiksohen shifrat 78-55.

Vllaznia – Flamurtari                        78-55

(24-20, 26-6, 22-13, 6-16)

Vllaznia: Bërdica, Arra, Faslia, Gjonaj, Rrashketa / Alen, Tinaj, Taraboshi, Xhokoviç, Bekteshi, Do. Lekndreaj, Da. Lekndreaj. Trajner B. Gjeçaj

Flamurtari: Kaso, Beko, Sotiri, Kollovi, Dede / Todi, Gani, Nuredini. Trajner: V.Birçaj

Gjyqtarë: E. Koçi, A. Dulçe, E. Tiko (Tiranë)

Kampionati Kombëtar

i Basketbollit – Meshkuj

Superliga

Java e 15-të

(26 mars 2016)

Teuta – Kamza Basket        64-68

Vllaznia – Flamurtari           78-55

Partizani – Tirana                50-101

Renditja

Nr.       Skuadra                     N.        F.         H.        Psh-Pp           Pikë

1. Kamza Basket          15        13          2        1096-886       28
2. Vllaznia                     15        12          3        1057-913       27
3. Tirana                         15        11          4        1148-965       26
4. Teuta                          15          6          9        1110-1078     21
5. Flamurtari                  15          3        12          921-1186     18

6.       Partizani                    15          0        15          887-1091     15