Ardhmëria Basket jo vetëm që ka qenë bindëse në lojën e saj, por dhe spektakolare, ndërsa për asnjë moment nuk i ka dhënë hapësira kundërshtarit për të reaguar.

Flasin vetë përfundimet e pjesëve të lojës, ndërsa dy të parat kanë qenë ato që kanë siguruar rezultatin për skuadrën e Afrim Bilalit. 24-7 dhe 25-9 dhe në pushim 49-16.

Ka një lojë ndryshe në pjesën e tretë për Tirana Eagles, por gjithnjë 12-9 për Ardhmërinë, e cila ka thelluar në 61-25.

Dhe e fundit është 23-8 për Ardhmërinë e në total 84-33. Për t’u theksuar është se ndaj trajnerit të Eagles, Klarent Dedajt, është dhënë dhe një gabim teknik.

Java e dytë e nivelit të dytë Kampionatit Kombëtar të Basketboll për Meshkuj, që njihet si Kategoria e Parë, vazhdon të dielën me takimin Superior Klima-Skënderbeu.

Ardhmëria Basket – Eagles 84-33

(24-7, 25-9, 12-9, 23-8)

Kampionati Kombëtar

i Basketbollit – Meshkuj

Kategoria e Parë

Java e dytë

(9-11 tetor 2015)

Të premten:

Ardhmëria Basket – Tirana Eagles           84-33

Të dielën:

Superior Klima – Skënderbeu                   ora 12:00

Elbasani                                                        pushim

Renditja

Nr.       Skuadra                     N.        F.         H.        Psh-Pp           Pikë

1. Ardhmëria Basket 1          1          0          84-33              2
2. Elbasani             1          1          0          87-57              2
3. Superior Klima 1          1          0          68-40              2
4. Tirana Eagles 2          0          2          73-152            2
5. Skënderbeu             1          0          1          57-87              1