Përtej diskutimit të sherrit të paratërinjve, në mbledhjen e së premtes në të cilën kanë qenë prezent presidenti Avni Ponari, si dhe anëtarët Edera Alibegaj, Vasil Shaka dhe Juel Jarani (kanë munguar Ilir Taflaj dhe Dritan Mema), por dhe Korab Llazani është diskutuar për një numër çështjesh.

Kështu, përtej prezantimit të anëtarëve të rinj të këtij komiteti dhe zgjedhjen e Sekretarit të Përgjithshëm, është diskutuar për krijimin e Komisionit të Disiplinës dhe Rregulloreve, Komisionit të të rinjve, Komisionit të gjykimit, Komisionit të Financës, Komisionit të ekipeve kombëtare dhe Komisioni i organizimit të 70-vjetorit të themelimit të Federatës Shqiptare të Basketbollit.

Po kështu tek të ndryshme ka qenë ristrukturimi i Federatës Shqiptare të Basketbollit, Diskutimi mbi hartimin e Komisionit të Etikës, diskutim për hartimin e draftit të ri të rregullores së veprimtarive të sezonit 2016-2017. Për të tjerat, Korab Llazani është rikonfirmuar në postin e Sekretarit të Përgjithshëm, ndonëse një gjë e tillë është deklaruar që në zgjedhjet e Korçës kur ai u tërhoq për këtë post.

E në vendin e tij, gjithashtu konfirmuar që në Korçë, ka ardhur sipas numrit të votave elbasanasi Edmond Biçoku. Është konfirmuar përbërja e komisionit të disiplinës dhe rregulloreve, që do të përbëhet nga Fatjon Mati (Kryetar), Arben Kaçurri, Sajmir Shatku dhe Besmir Iljazi anëtarë.

Ndërkohë është vendosur ristrukturimi i Federatës Shqiptare të Basketbollit nëpërmjet përshkrimeve përkatëse, ndërsa pajiset e hequra nga Pallati i Sportit “Asllan Rusi” në kryeqytet, do të shkojnë në Vlorë dhe ato të Vlorës do të kalojnë atje ku ka nevojë basketbolli.