ASNN – Hidhet shorti i Kampionatit Kombëtar të Basketbollit, mbetet ende enigmë skuadra e gjashtë te femrat. Edhe pse nisja e sezonit të ri të Kampionatit Kombëtar të Basketbollit është në prag sërish enigmat janë të shumta. Kjo sepse hedhja e shortit sot nuk ka sqaruar ende se cila do të jetë skuadra e gjashtë që do të luajë në Grupin A për femra, pasi ende nuk ka një variant zyrtar nga FSHB-ja se cila skuadër do të zëvendësojë Goga Basketin, e tërhequr.

Ideja është ajo e zhvillimit të një mini-turneu mes ekipeve të Grupit B, për të caktuar skuadrën që do të luajë mes më të mirave. Ndërkohë, shorti i hedhur sot ka sqaruar se te meshkujt do të jenë 12 skuadrat që do të nisin sezonin e ri sportiv 2018-2019, 6 prej të cilave do të luajnë në Superligë dhe 6 në Kategorinë e Parë. Po ky numër, pra 6, do të jenë edhe skuadrat e Grupit A për femra, ndërsa në Grupin B ky numër është më i vogël, 4 të tilla.

Të pranishëm në hedhjen e shortit sot përfaqësues nga disa prej klubeve, që kanë ndjekur nga afër procedurën dhe kanë marrë informacionin e duhur nga drejtuesit e FSHB-së. Te të rriturit, debuton këtë sezon në Kategorinë e parë edhe ekipi privat i “Invaders”.

Kampionati Kombëtar

i Basketbollit – Meshkuj

Superliga

Java e parë:

Vllaznia – Goga Basket

Tirana – Kamza Basket

Partizani – Teuta

Kampionati Kombëtar

i Basketbollit – Meshkuj

Kategoria e Parë

Java e parë:

Elbasani – Skënderbeu

Flamurtari – Apolonia

Invaders – Tirana Eagles Basket

Kampionati Kombëtar

i Basketbollit – Femra

Grupi A

Java e parë:

Flamurtari – Elbasani

Vllaznia – Studenti

Tirana – Skuadra “X”

Kampionati Kombëtar

i Basketbollit – Femra

Grupi B

Java e parë:

Partizani – Kamza Basket

Apolonia – Skuadra X