Bardheblutë e kanë marrë këtë fitore falë dy triumfeve në pjesën e dytë dhe në të tretë, ndërsa e gjitha pjesa tjetër ka qenë një kërcënim i vazhdueshëm nga kundërshtaret. Tirana në basketboll për femra e ka pasur të vështirë fitoren ndaj Studentit, ndërsa e ka siguruar suksesin falë dy triumfeve në pjesën e dytë dhe të tretë.

Studenti, e mbështetur fort tek Mema e Metani, por dhe Vata, arrin të bëjë rezistencë. Aq sa pjesën e parë e ka fituar skuadra e trajneres Fiorentina Mitku, me një pikë diferencë, 15-16. Por vajzat bardheblu kundërpërgjigjen menjëherë. Në fushë është dhe malazezja Popoviç, e cila, për shkak të një gjaknxehtësie me Memën, është ndëshkuar me gabim teknik, së bashku me basketbollisten e Studentit.

E ka fituar Tirana pjesën e dytë 20-12 dhe ka përmbysur në 35-28. Tirana nuk lëshon dhe fiton edhe pjesën e tretë 16-11 dhe është përpara me 12 pikë diferencë, 51-39. Mirëpo duket se kjo skuadër bie në vetëkënaqësi, aq sa Studenti nuk fal. Fiton pjesën e katërt 14-6 skuadra e Mitkut.

Por përmbysja e madhe nuk ndodh, ndërsa në fund është Tirana fitimtare 57-53. Pra një fitore e vuajtur për skuadrën e Roland Avramit së cilës vazhdojnë t’i mungojnë Aliaj e Hoxhaj. Por, sidoqoftë, suksesi nuk i mungon dhe tanimë ndan vendin e dytë dhe të 3-të me Goga Basketit, me nga 6 pikë secila, dy pikë më pak se Flamurtari kryesues, që ka luajtur një ndeshje më tepër.

Tirana – Studenti                  57-53

(15-16, 20-12, 16-11, 6-14)

Tirana: Përmeti (11), Gjoni (5), E.Bujari (19), G.Bujari (8), Dishnica / Jaçe (4), Popoviç (10). Trajner: R. Avrami

Studenti: Matka (8), Mema (20), Metani (7), Naçollari (11), Vata (13) / Huta, Shima (1). Trajnere: F. Mitku

Gjyqtarë: E. Hoxhaj (Vlorë), E. Shpuza (Shkodër)

Kampionati Kombëtar

i Basketbollit – Femra

Kategoria e Parë

Java e 4-t

(2-5 nëntor 2016)

Të mërkurën:

Kamza Basket – Elbasani              53-88

Të shtunën:

Vllaznia – Flamurtari                       54-58

Apolonia – Skënderbeu                 60-75

Tirana – Studenti                             57-53

Goga Basket                                     pushim

Renditja

Nr.       Skuadra                     N.        F.         H.        Psh-Pp           Pikë

1. Flamurtari                  4          4          0          277-218         8
2. Goga Basket             3          3          0          285-169         6
3. Tirana                         3          3          0          216-157         6
4. Elbasani                    4          2          2          303-267         6
5. Studenti                     3          2          1          190-154         5
6. Vllaznia                     4          1          3          250-263         5
7. Skënderbeu              3          1          2          177-188         4
8. Apolonia                    4          0          4          236-353         4
9. Kamza Basket          4          0          4          205-370         4